شهيرة عن ابتعادها عن الفن: مش ندمانة وحسيت إني مش عاملة الواجب اللي يرضي ربنا
تحدثت الفنانة شهيرة عن فترة ابتعادها عن الوسط الفني، مؤكدة أنها تجد صعوبة في الوقت الحالي للعودة في الفن خاصة بعد وفاة زوجها الفنان محمود ياسين، كما أنه سيكون لديها العديد من التحفظات.
وقالت شهيرة في لقائها مع الإعلامية إيمان الحصري في برنامج مساء DMC، عن ابتعادها عن الفن: ابتعادي عن الفن كان مفاجأة لجوزي ولنفسي، مكنش ليا مزاج، أنا بحب مهنتي وبعتز بيها لأن دي دراستي وأنا ماليش مهنة غيرها، وأصبحت مزاجية ومش أي وقت أقدر أرجع ولا أحب أعمل مقابلات تلفزيونية، لأن هيبقى في عندي تحفظات على حاجات كتير وزمان غير دلوقتي.
وتابعت شهيرة أنه بالرغم من مطالبة الجمهور لها بالعودة مرة أخرى، إلا أنها لم تجد حتى الآن موضوع مناسب للعودة من جديد، موضحة: بالرغم من كل أصحابي وجمهوري ولكن مش سهلة إني ألاقي موضوع مناسب أرجع بيه، والفترة اللي أنا سيبت فيها الفن دي كانت أهم فترة عندي من التألق والجوائز، ولكن كنت محتاجة أقرب من ربنا أكتر، ولأني كنت بحب شغلي أوي وكان واخد كل تفكيري.
شهيرة: مش ندمانة على ابتعادي عن الفن
وأضافت شهيرة، أنها شعرت بالتقصير في وجباتها الدينية فقررت التقرب من الله وترك الفن، قائلة: كنت دايمًا متهيألي أن الفن واخدني من التقرب من ربنا وحسيت إني مش عاملة الواجب اللي يرضي ربنا، وأنا مش ندمانة على ابتعادي عن الفن وحسيت إن ده اللي ربنا اختاره ليا.
