ننشر التحقيقات في واقعة عريس العمرانية| خاص

واقعة مأسوية شهدتها منطقة العمرانية بعد أن أقدم 3 أشخاص على قتل شاب قبل فرحه بـ أيام، ليدفع محمد حياته ثمنا لشهامته بعد نشوب المشاجرة بين المتهمين وصاحب محل الموبايلات الذي كان المجني عليه يعمل به.

مقتل شاب بالعمرانية

حصل القاهرة 24 على نص التحقيقات في القضية رقم 18747 لسنة 2022 جنح العمرانية المتهم فيها عبد الله. أ المتهم بـ قتل المجني عليه  محمد شریف بالاشتراك مع شقيقه عبد الرحمن. أ ومحمد.س بعد أن سددوا له طعنات بمنطقة الرقبة بسلاح أبيض مطواة ما أدى إلى وفاته.

ووقف المتهم عبد الله. أ أمام جهات التحقيق قائلا: اللي حصل إن إحنا كنا في شارع المستشفى ومعايا أمي وأختي وبنت أختي الصغير وأخويا عبد الرحمن شادي في العربية وراجعين على البيت خبطني سائق توك توك، نزلت شديت أنا وهو في الكلام مع بعض وبعد كده لقيت عبد الرحمن محمد أحمد بيخبط لي على العربية وبيقولي يلا اطلع من هنا قمت رايحله شدينا مع بعض في الكلام بعد كده أخويا قاله إحنا معانا حريم هنروحهم ونجيلك.

مقتل عريس العمرانية

وتابع المتهم بقتل عريس العمرانية: بعد ما روحنا الحريم اللي كانوا معانا وقابلت محمد لطفي عند البيت عندي وكلمت واحد صاحبي تاني اسمه عمر أحمد جابر، قولتله إن أنا حصل معايا مشكلة مع واحد من المنطقة عندك وسألته عليه قالي أنا عارفه وتعالى هنتكلم مع بعض ونحل الموضوع واخدت أخويا شادي ومحمد لطفي وروحنا عند محل الموبيلات بتاعه اللي في شارع الثلاثيني جالنا بعد كده على هناك ودخلت أنا وأخويا المحل بتاع الموبيلات بتاع عبده لقينا محمد شریف سراج الدين واقف في المحل، وسألته على صاحب المحل قالنا إنه في الفرع التاني وأخويا قاله طيب كلمهولي وقام مكلمه وأخويا شادي أخد منه الموبايل وقاله أنا مستنيك عند المحل، وبعد كده طلعنا بره وقفنا في الشارع وفعلا بعد خمس دقايق لقينا عبد الرحمن محمد جه قدام المحل روحناله أنا وأخويا وأخويا قاله أنا عايز أتكلم معاك علشان الحوار اللي حصل من شوية.

والد ضحية العمرانية يروي تفاصيل مقتل نجله: دبحوه لما دافع عن صاحب المحل اللي شغال معاه | بث مباشر

كان يدافع عن سائق توك توك.. حبس المتهمين بقتل عامل في العمرانية

وأكمل: ولقيت عبد الرحمن بيقولنا أنا مش جاي معايا الكلام ده وبدأ يزق فينا ويبعدنا عن المحل ولقينا المتوفى إلى رحمة مولاه محمد شريف سراج الدين بيشد في عبد الرحمن وبيقوله خلاص مش لازم مشاكل محدش فيهم اتكلم قام عبد الرحمن رد عليه وشتمه وقاله ادخل جوه المحل متطلعش بره، وقام فعلا دخل المحل وبعدها طلع تاني، وبعد كده عبد الرحمن بدأ يزق فينا أنا وأخويا شادي بدأنا نشد معاه في الكلام ومسك في أخويا بعدها محمد حاول إنه يحوشه تاني، بس هو بعده تاني، وبدأنا كلنا نضرب في بعض وعبد الرحمن محمد وأخويا شادي مسكوا في بعض وبقوا يضربوا في بعض وقام عبد الرحمن محمد مطلع مطواة من جنبه وقعد يضرب أخويا بالقاعدة بتاعتها الخشبية، وفتحها، ولقيت المتوفى محمد شريف سراج الدين خارج من المحل.

وتابع: احنا لما ابتدينا نمسك في بعض الناس تجمعت علشان تحجز بينا وهو ساعتها كان في إيده مطواة، قمت واخدها من إيده واديتها لشادي أخويا علشان المجني عليه محمد شريف كان خارج من المحل وماسك في إيده سلاح معدني علشان يدافع بيها عن نفسه.

وأكمل: وهو قبلها كان واقف جنبنا ولقيت عبد الرحمن بيقوله خش هات المطواة من جوه المحل، قام هو رايح على المحل وجاب حاجة من جوه عبارة عن نصل معدني كان بيلمع في إيده وخرج بره المحل وكان طالع في وش أخويا عبد الرحمن أيمن وفضلوا يضربوا بعض بالرجل لحد ما شادي أخويا ضربه بالمطواة في رقبته.