صالح عبد النبي: الراجل عادي يقلع ملط.. ومعنديش مشكلة أبوس واحدة في عمل فني
كشف الفنان اللبناني صالح عبد النبي رأيه في فكرة المساكنة، مؤكدًا أنها مُحرمة دينيًا، بجانب الحديث عن الخطوط الحمراء في الفن.
وقال عبد النبي في تصريحات لـ القاهرة 24: أنا بحب ألعب أي دور ومعنديش خطوط حمراء وممكن أعمل مشاهد جريئة، والجمهور مليون نوع، ولو بيحبني هيتقبل أي حاجة، وفي النهاية أنا راجل غير الست، أقصى حاجة هقلع ملط أو أبوس واحدة دا عادي جدا، أو أطلع بالمايوه عادي، وفي النهاية الناس هتتكلم في كل الأحوال.
أما عن فكرة المساكنة، علق صالح عبد النبي، قائلا: ممكن أعيش مع واحدة من غير جواز بس أكون عارف أن المسكانة حرام، ولكن هخبي ومش هقول؛ لأن مينفعش أقول أنا ساكن مع صاحبتي بندرس أخلاق بعض، وهعمل دا بيني وبين نفسي، إذا بليتم فاستتروا، والمساكنة قبل الجواز حلوة بس محدش هيعرف شريكه غير لما يبقوا تحت سقف واحد ومتجوزين، لأن الجواز بيظهر صفات مظهرتش في فترة الصحوبية أو التعارف.
وواصل عبد النبي: وممكن البنت لما نسيب بعض ترجع تقولي إنت استغلتني، وطالما مينفعش نقول للأهل أنا هعمل مساكنة يبقى غلط؛ لأن أي حاجة بتخبيها عن الأهل تبقى غلط.
أبرز أعمال صالح عبد النبي
وعلى جانب آخر، شارك صالح عبد النبي في العديد من الأعمال الفنية التي حققت نجاحا كبيرا، أبرزهم مسلسل العائدون ومسلسل اللعبة الموسم الثاني، كما ظهر مع الفنانة أنغام في كليبها الجديد الذي يحمل اسم خليني شوية معاك.
