موجة غضب عبر السوشيال ميديا بعد تداول صور عمرو راضي وخطيبته وحبيبها السابق
اشتعلت مواقع التواصل الاجتماعي خلال الساعات القليلة الماضية بعد تداول صورة تجمع بين عمرو راضي وخطيبته هدير النحاس وحبيبها السابق الذي يدعى محمد عصام الجمل.
عمرو راضى وهدير النحاس
وبدأت القصة عندما نشر الجمل صورة عبر موقع تبادل الصور والفيديوهات إنستجرام، من حفل طلب زواج عمرو راضي من هدير النحاس، وذلك ليلة أمس الثلاثاء، بعد إعلان خطوبة عمرو راضي من هدير النحاس، حيث علّق الجمل على الصورة قائلًا: أيوه إنتي أحلى واحدة شافتها عينه بجد والله، وهذا ما أثار موجة من الغضب عبر منصات التواصل الاجتماعي، وجعل المتابعين يجمعون بين الصورة ومشاهد من مسلسل أزمة منتصف العمر.
وعلقت إحدى رواد مواقع التواصل الاجتماعي على الواقعة، حيث كتبت عبر فيس بوك: الكلام ده كله ملوش لازمة، لأن بسهولة أنت حر ما لم تضر.. ادعيلهم بالهداية واعملي لـ عمرو راضي unfollow وريحي دماغك.
وكتب محمد علاء: عمرو راضي إنسان قبل كل شسء ومحمد عصام انفصل عن هدير ودلوقتي هدير خطيبة عمرو، فهو قرر ياخد محمد عصام معاهم في كل الخروجات عشان مشاعرهم متتأثرش بالفراق اختاري صح يا كوين اختاري راجل اختاري عمرو راضي.
وقال محمود جاد تعليقًا على الصور: الثقة وابتسامة خطيبها عمرو راضي بالرغم من إنها حاضنة الإكس بتاعها ومعلقة ليه إنه أحسن إكس ليها في حياتها يعرفك قد إيه الحب دا شيء عظيم وقادر يكسر كل القيود الرجعية وقادر يحسسك بالأمان دايمًا، وقت ما يكون الكون كله مليان خوف من العادات العقيمة للمجتمع حبوا بعض وخلوا فيه ثقة بينكو يا جماعة دا العمر بييجي مرة واحدة.
وكتب أحمد يحيى: الصورة دي لـ عمرو راضي البلوجر المشهور ربنا كرمه وخطب وعمل مفاجأة لحبيبته في السينما، وكانت حاجه في قمة العظمة.. بس الأعظم في الموضوع هو إنه منساش دور صاحبها القديم بل صمم إنه ياخد صوره وهو في النص وصاحبها القديم كان مُتقبل عادي وأشاد باختيار عمرو، الجميل في الموضوع إن هي لحد دلوقتي حافظة حق صاحبها ومش بس دخلته في نصهم وحضناه لا كمان إشادة بيه في الكومنت وقالت إنه أحسن إكس في حياتها معرفش هما كام إكس بس مش مهم.. المهم إن هي عارفة قيمته لسه.. اتعلموا يا جماعة العلاقات المتسامحة وانضجوا شوية بجد وكفاية تخلف ورجعية.
