هند عبد الحليم: رحت لدكتور نفسي عشان أرجع لطبيعتي بعد مسلسل أزمة منتصف العمر | فيديو
كشفت الفنانة هند عبد الحليم كواليس تحضيراتها لشخصية سلمى في مسلسل أزمة منتصف العمر، موضحة أنها ذهبت إلى دكتور نفسي حتى تعود إلى طبيعتها بعد العمل.
وتحدثت الفنانة هند عبد الحليم عن تحضيراتها لشخصية سلمى في مسلسل أزمة منصف العمر، وذلك من خلال لقائها مع القاهرة 24، قائلة: شخصية سلمى مختلفة وصعبة وتحد كبير، وإزاي أقدر أقدمها، والناس تصدقها، مقعدتش مع مدمنين، ولكن قعدت مع الأستاذ كريم العدل وناقشنا الشخصية، وقرأت كتبا عن المخدرات، والمخدر اللي هيخش في جسم سلمى، وشوفت حالات حقيقة في أفلام وثائقية، ومتعاطفة جدًا مع سلمى وعشت مع سلمى في أحاسيسها ووجعها ومتعاطفة معاها جدًا، وبتضايق لما حد يكتب حاجات وحشه عنها، وهي شخصية مدمرة، ومعندهاش أي حياة.
عن كيفية خروجها من شخصية سلمي، تابعت هند عبد الحليم: خرجت من الشخصية في شهور، ولسه بتيجي، وفكرة إن أرجع أعيش حياتي بشكل طبيعي، وروحت لدكاترة نفسيين أتكلم معاهم، ومش عيب إن الواحد يروح لدكتور.
واختتمت هند عبد الحليم: متعلقة بأهلي جدًا، والتليفون عمره ما أستغنى عنه، وشويه بقدر أقعد من غيره، وبحب أركز أكتر مع الحاجات اللي حواليا.
مسلسل أزمة منتصف العمر
ونجح مسلسل أزمة منتصف العمر في تحقيق نجاح كبير، حيث تصدرت مشاهده تريند مواقع التواصل الاجتماعي، ويضم مجموعة كبيرة من أبرز الفنانين ومنهم ريهام عبد الغفور، كريم فهمي، رنا رئيس، هند عبد الحليم، وآخرين.
