آخر كلمات صيدلي بالشرقية قبل وفاته في حادث: اليوم اللي هموت فيه مش هيكون مميز
اتشحت مدينة أولاد صقر بـ الشرقية بالسواد، اليوم السبت، عقب نبأ وفاة الدكتور نبيل العدل إثر حادث انقلاب سيارة في بحر مويس أمام قرية حانوت بنطاق دائرة مركز شرطة كفر صقر.
آخر كلمات الطبيب
ويرصد موقع القاهرة 24 آخر ما كتب الدكتور نبيل العدل أحد ضحايا الحادث، على صفحته عبر موقع التواصل الاجتماعي فيس بوك، حيث كتب: اليوم اللي هتموت فيه مش هيكون مميز، هتصحى الصبح عادي خالص زي كل يوم تشتغل وتاكل وتشرب وتهزر وفي لحظة هتموت! الفكرة إنه عادي خالص.
وأضاف الطبيب الراحل في منشوره: اليوم بيكمل وبعد ما بيدفنوك، اللي وراه حاجة بيروح يعملها، والناس بتروح تنام عشان تصحى الصبح تشتغل وتاكل وتشرب وتهزر مفيش تغيير كبير ولا صغير هيحصل بفقدك في العالم بالبلد ولا الأسرة حتى.
وتابع الطبيب في منشوره: البقال هيفتح تاني يوم عادي جدا بغض النظر عن العزا بتاعك، ده إذا كان فيه عزا، كل شيء هيستمر عادي خالص أصل مش مهم يعني والحي أبقى من الميت وكده، ودي مش قلة وفاء أبدا، إنما الدنيا كده وكله عايز ياكل ويشرب ويهزر زيك ويدور على احتياجاته الطبيعية، أنت بس اللي حياتك هتتغير تغيير جذري.
واختتم الطبيب رسالته: محدش هیسند معاك اليوم الفارق ده والشيلة شيلتك لوحدك، لو سمحت كفايه غفلة واشتغل ليوم موتك بعد إذنك، اللهم أحسن ختامنا.
