المخرج محمد ياسين: وحيد حامد من أفضل الناس اللي اشتغلت معاها
تحدث المخرج محمد ياسين عن الإخراج وكتابة السيناريو في حلقة نقاشية له، على هامش فعاليات مهرجان الإسكندرية للفيلم القصير في دورته التاسعة.
المخرج محمد ياسين: وحيد حامد من أفضل الناس اللي اشتغلت معاها
وعبر محمد ياسين عن سعادته لوجوده في مهرجان الإسكندرية السينمائي قائلًا: شرف ليا أكون في إسكندرية والمهرجان الجميل ده، ركبي بتخبط لأني حابب إن اللقاء يبقى مفيد ويحمل ذكرى طيبة عندكم.
وتحدث محمد ياسين عن نبذة من مسيرته في عالم الإخراج قائلًا: بعض الأعمال اتعرضت عليا، وفي أحيان كتير جدا بلجأ للكتاب، وصلتي بكل اللي بيكتبوا في مصر كبيرة قوي ومتجددة طول الوقت.
وأضاف: أما بيلفت انتباهي كاتب لديه قدرات مميزة، وببقى حابب جدا إني أعمل لقاء معاه، ونقعد نتكلم ونتحاور وافهم بيفكر ويتكلم في إيه، وفيه أعمال بتبقى قدرا في لحظة وتشعر إنه آن الآوان إني أقدم المشروع ده.
وتابع محمد ياسين: مشروعنا أنا والكاتب وبقراه مرتين وتلاتة، ولو قعدت مع كاتب ولقيته موافق طول الوقت هستغرب والمفروض يكون فيه شد وجذب عشان نكمل مشروعنا، بستغرب إزاي يعني المخرج يخجل يناقش كل حاجة مع المؤلف، وحيد حامد من أفضل الناس اللي اشتغلت معاها وعارف بيشتغل مع عاطف الطيب إزاي وغيره.
مهرجان الإسكندرية للفيلم القصير
وكان حفل افتتاح الدورة التاسعة من مهرجان الإسكندرية للفيلم القصير قد انطلق يوم الخميس الماضي الموافق 16 فبراير، في دار أوبرا الإسكندرية بحضور نجوم الفن ووسائل الإعلام وجمهور السينما بعروس البحر الأبيض المتوسط.
تقام عروض أفلام المهرجان في سينما مترو بوسط البلد خلال الفترة من 16 إلى 21 فبراير الجاري، وجميع العروض مجانية ومفتوحة للجمهور طوال فترة المهرجان.
