أمينة خليل: أقدر أقول جملة للي قدامي توجعه.. ومقدرش أسيب أهلي دلوقتي وأسافر
تحدثت الفنانة أمينة خليل عن علاقتها بوالدتها ودعمها لها، وبجانب ذلك حديثها عن طريقة تعاملها مع الناس في حياتها.
وقالت أمينة خليل خلال أحد البرامج التليفزيونية: أنا عندي 34 سنة، مقدرش دلوقتي أسيب أهلي وأسافر، وفي سن العشرينات كنت متقبلة وجهات نظر مختلفة، حتى لو فيها شوية تحكم.
وأضافت أمينة: طريقة تعاملي في المضايقه مختلفة، مش بحس نفسي عصبية، بس الواحد لازم يبقى عارف إني أقدر أكون جملة توجع اللي قدامي، بس لما يبقى الواحد عارف إن الحتة دي جواه لازم يعرف يتعامل بيها.
وعن مساعدة والدتها لها في مشوارها الفني، علقت أمينة: أمي كانت بتقويني هي مثال بالنسبالي للقوة، وقالتلي أقوي ومتخافيش، والدي ووالدتي لعبوا دور كبير في شخصيتي وكاريري، ووالدتي كانت واعية أني هتهاجم، لازم الأهل يكونوا واعين إنهم يربوا عيالهم يكونوا صحاب من غير كسوف أو هجوم.
آخر أعمال أمينة خليل
تشارك أمينة في السباق الرمضاني 2023 بمسلسل الهرشة السابعة، ويضم العمل عددًا كبيرًا من النجوم أبرزهم: علي قاسم، أسماء جلال، نهى عابدين، وعددًا آخر من الفنانين، وهو من تأليف مريم نعوم وإخراج كريم الشناوي.
وتنتظر عرض فيلم شماريخ، الذي لم يحدد وقت عرضه حتى الآن، وهو من بطولة آسر ياسين، أدم الشرقاوي، وعدد آخر من الفنانين، والفيلم من تأليف وإخراج عمرو سلامة، وتدور أحداثه في إطار تشويقي.
