عارفة عبد الرسول عن الانتقادات: مش بتضايق من عفويتي.. والجمهور اللي عنده مشكلة
علقت الفنانة عارفة عبد الرسول على انتقادات الجمهور، التي تواجهها بين الحين والآخر، بعدما صرحت خلال الفترة الماضية بأنها استلفت فستانها من صديقة لديها، لحضور إحدى المناسبات العامة.
وقالت عارفة عبد الرسول خلال تصريحات لـ القاهرة 24: مش بتضايق من عفويتي ونفسي أفضل كدة متغيرش لأني مبحبش ألعب دور مش دوري.. وأنا ست بسيطة جدًا واللي في قلبي على لساني.. الجمهور بقى اللي عنده مشكلة في ده.. فهو حر.. ومعرفش ليه قولت إني سالفة الفستان من صاحبتي؟.. لكن صاحبتي كانت أعطتهولي هدية.. والكلام مش بيهمني خالص.
أما عن نجاح دورها في مسلسل بالطو، أضافت عارفة: لما قرأت دور ميس كوثر حسيت إن دي أنا بالظبط.. هي الست الجد في شغلها ميعجبهاش الحال المايل.. كنت مديرة في وزارة الثقافة.. وكنت زيها بالظبط.. وكان فيه ناس كتير بتكرهني وناس كتير بتحبني.
أعمال عارفة عبد الرسول الجديدة
تشارك عارفة عبد الرسول في موسم دراما رمضان 2023، بمسلسل الأجهر مع الفنان عمرو سعد، ومسلسل بابا المجال مع الفنان مصطفى شعبان، بجانب انتظارها طرح مسلسل سيب وأنا أسيب بطولة الفنانة الشابة هنا الزاهد وأحمد صلاح السعدني، ومسلسل اللعبة 4 مع الفنان محمد ثروت وشيكو وهشام ماجد ومي كساب.
