أبرز تصريحات لمياء الأمير: الزواج أسوأ حاجة في الدنيا
حلت الفنانة لمياء الأمير، ضيفة على الإعلامية ياسمين عز في برنامجها كلام الناس المذاع عبر شاشة قناة MBC، وتحدثت خلال اللقاء عن مشوارها الفني، وحياتها الشخصية.
ونستعرض لكم أبرز تصريحات لمياء الأمير في برنامج كلام الناس:-
- طول الوقت بيجيلي أدوار كـ ضيفة شرف مش عارفة ليه وأنا كنت بعمل أدوار كتير في رمضان وأكتر من مسلسل الفترة اللي فاتت مش عارفة إيه السبب.
- الأدوار مش زي الأول والكم قل كتير والأجور مبقتش زي الأول، ولو أنا رفضت غيري هيقبل وبالتالي بضطر أقبل.
- مرة قبلت عمل وأنا بعيط وكلمت أشرف زكي وعيطت وصعب عليا نفسي لأني أخدت أجر الثمن، وضيف الشرف بياخد فلوس عادي وهو مش زي الكومبارس أبدًا.
- خالي سعيد عبد الغني وابن خالي أحمد سعيد عبد الغني، وطلعت مرات خالي في مسلسل.
- أخويا طارق الأمير مؤلف وممثل، وعمره ما رشحني في عمل وإنعام محمد علي في أم كلثوم اتفاجئت أننا قرايب.
- مش بتصل بالمخرجين والمنتجين عشان يشغلوني بتكسف وممكن مؤخرًا صحابي من المخرجين ممكن أكلمهم في الأعياد، ولو مخرج صاحبي داخل عمل وفيه عيد بتكسف أعيد عليه، وليا صحاب كتير في الوسط ولكني مش بخرج كتير والرزق بتاع ربنا في النهاية.
- أنا اعتزلت الفن 8 سنين لما دخلت الجماعة لأني اتجوزت في أولى كلية وجوزي مقاليش اعتزلي ولكن بنتي خادتني شوية.
- مستحيل أعيد تجربة الجواز للمرة الثالثة، أنا اتعودت على الوحدة ومش هستحمل راجل يكون معايا طول الوقت ويتحكم فيا وفي البيت.
- بقالي 11 سنة من غير زواج واتعودت إني أقعد لوحدي، وهدفي دلوقتي بيتي وأحفادي.
- الجواز أسوأ حاجة في الدنيا.
