بسمة بوسيل ترد على منتقدي دفاعها عن سعد لمجرد: إنك تدعي لحد جريمة وشماتة
ردت الفنانة بسمة بوسيل، على الانتقادات الذي تعرضت لها من قبل الجمهور بعد دعمها للمطرب المغربي سعد لمجرد الذي حكم عليه بـ 6 سنوات بتهمة الاغتصاب.
وكتبت بسمة بوسيل، منشورًا عبر خاصية ستوري على حسابها الشخصي بموقع تبادل الصور والفيديوهات القصيرة انستجرام: مساء الخير ردا على سوء التفاهم اللي حدث بسبب آخر ستوري مني، أنا أكيد ضد أي تحرش أو اغتصاب مهما كانت الظروف وما أقبلش على بناتي أو نفسي حاجة زي كده.
وتابعت بسمة بوسيل: أنا كنت بتكلم على قصة واحد ووحدة هي نفسها اعترفت أنها طلعت معاه للأوضة لوحدها، فالمفروض دي حاجة تنافي عاداتنا وتقاليدنا وشافيين الرجل مذنب والست لا عشان مغربي وعشان فعلا دائمًا في عنصرية ضد العرب في البلدان الأوروبية وأكيد القضاء هياخد مجراه.. للذكر أنا بشجع البنات وكل الستات بالعدل بس.
وأردفت بسمة بوسيل: أنتي تقدري أكيد تقدري تبقي مهنية أكتر وتدوري في أحداث القضية أكثر مش بس تلحقي الترند عشان تظهري، أنتي تقدري أكيد تقدري بس أهم حاجة من غير ما تكذبي.. وانسحابي كان بسبب إنني لا أتشرف بأن أكون جزءا من برنامج لا يحترم حقوق الإنسان لأنه يحترم حقوق المرأة.
وأضافت: بقينا في زمن الشماتة والتنمر والحكم على ناس فيها اللي مكفيها من ابتلاء فضيلة.. وإنك تدعي لحد في مصيبة بإن ربنا يعون عليه وينزل عليه الرحمة بالشكل اللي طبعًا ربنا شايفة عادل، جريمة.
