حمادة هلال جالي 4 الفجر من لبنان وفرحي كان فيه تنظيم إلهي.. أبرز تصريحات أحمد عصام مع إسعاد يونس
حل الفنان أحمد عصام وزوجته ضيفًا على الفنانة إسعاد يونس، في برنامج صاحبة السعادة، في أول ظهور لهما بعد حفل زفافهما الأسطوري، الذي حضره أبرز نجوم الفن، منهم الكينج محمد منير، والهضبة عمرو دياب، والفنان تامر حسني، وآخرون.
ونستعرض لكم أبرز تصريحات أحمد عصام وزوجته مع إسعاد يونس:
ـ أنا محظوظ بصحابي والنجوم في فرحي كانوا بيقولولي عايز تسمع إيه.. مكناش مرتبين حاجة للفرح.
ـ عملت فرحي في عيد جواز والدي ووالدتي.. ومكنتش أعرف.
ـ تلفوني عليه 34 ألف اسم وكان عندي مشكلة في المعازيم، لكن حاولت أعزم في فرحي اللي أعرفهم من أقل حد لأعلى حد.
ـ الفيديو والدي جي والأوتيل مرضيش ياخدوا مني فلوس، وكل العمال رفضوا ياخدوا فلوس، وقالو إنها مظاهرة في حب أحمد عصام، ودي ملهاش علاقة بالشغل لها علاقة بالحب.
ـ كل اللي حصل في فرحي هو تنظيم إلهي.
ـ حمادة هلال كان مُصر أنه يشهد على جوازي، لدرجة أنه كان مسافر لبنان لتصوير مسلسله، وفوجئت الساعة 4 ونص الصبح بمكالمة من الريسبشن، بيقولولي حمادة هلال تحت، وجالي من لبنان مخصوص طلع سلم علينا ونزل سافر لبنان تاني.
تصريحات أحمد عصام
ـ مراتي مكنتش عايزة فرح ومكناش مخططين لحاجة حصلت.
ـ مكنتش هعمل فرح لغاية لما والدتي قالت لي نفسي تلبس بدلة وأبص في وشك وأضحك وأنت تبصلي وتضحك.
ـ سجلنا أغنية لمراتي مع تامر حسني بس معرفناش نقدمها.
ـ فستان الفرح اتعمل في 15 يوما وهاني البحيري مكنش موجود عملناه على زوم.
