خالد الجندي: جماعات الشر تنشر فتاوى مكذوبة على لساني
حذر الشيخ خالد الجندي، عضو المجلس الأعلى للشؤون الإسلامية، من بعض الفتاوى المفبركة المنسوبة له على مواقع التواصل الاجتماعى، قائلا: أى فتوى تقرأها عني على مواقع السوشيال عليك أن تشك فيها شكا كاملا وأن ترفضها رفضا تاما، لما تلاقى حاجة غريبة أعرف أن هذه مكذوبة.
وأضاف الجندي، خلال حلقة برنامج لعلهم يفقهون، المذاع على فضائية dmc، اليوم الثلاثاء: لو لقيت فتوى غريبة ارفضها رفضا تاما لأن الإخوان الإرهابين وأذنابهم من السلفيين بيروجوا فتاوى مكذوبة من أجل التشكيك في الدين، أنا مش هناقش فتاوى تاني، وعموما لو عاوز فتوى مباشرة تعالى لي أنا موجود في مسجد الحصري، بعد صلاة العشاء، كل يوم أربعاء مفيش حد يقدر يقولي كده أنت مش بتنزل المساجد.
وأكمل خالد الجندي: لما تشوف فتوى وعليها صورتي اعرف إن الكلام مكذوب وغير طبيعي ولا يصدقه إلا مختل ولا يشيره إلا مختل، وللأسف البعض يظن أنها صدرت عني ويسعى للعمل بها، مردفا: دا الموسم بتاع ترويج الفتاوى المكذوبة لتشويه الدين والرموز وللطعن في رجال الدين.
