جويل مردينيان: يجب تعليم الأطفال الجنس مثل الدين.. وعرفت لوحدي يعني إيه علاقة حميمية
تحدثت الإعلامية وخبيرة التجميل جويل مردينيان عن أهمية الثقافة الجنسية لدى الأطفال، مؤكدة أن التوعية عن العلاقة الحميمية مثل تعليم الدين والأدب.
وقالت جويل مردينيان خلال لقائها مع القاهرة 24: مينفعش الأطفال يعرفوا تفاصيل الجنس من الإنترنت لأنه بلا حدود وفيه أشياء مقززة، وإحنا كـ أهل مش شايفينها ومينفعش ولادنا يشوفوها، وبالتالي الأفضل يكون فيه ثقة بين الأم وأولادها وزي ما بنعلمهم الدين والأدب وكل شيء يخص الحياة لازم نعلمهم الجنس عشان يكونوا ناضجين وأسوياء.
جويل مردينيان: عرفت لوحدي يعني إيه علاقة حميمية
وواصلت جويل: والدتي مكلمتنيش عن العلاقة الحميمية، واتعرفت عليها مؤخرًا بالحياة ومكنتش عارفة إيه الصح وإيه الغلط، وكنت في موقف مش حلو مش عايزة أولادي يكونوا زيي، وقولت لابني أنا هحكي مع أختك بالموضوع قالي الحمدلله أنك محكتيش معايا لأن خلاص الوقت فات، وأحنا كـ أمهات مسئوليتنا نتكلم معاهم في كل شيء.
وسبق وكشفت جويل مردينيان مدى علاقتها بـ أولادها، وقالت في تصريحات تلفزيونية سابقة: أنا ضعيفة قدام أولادي، ولازم أعمل كل رغباتهم وأحقق لهم سعادتهم مع إنهم من طفولتهم معتمدين على نفسهم ومش بخطط لهم حياتهم.
وأكدت جويل مردينيان أنها تؤمن بالمساواة بين الجنسين، قائلة: أنا أؤمن بالمساواة بين البنت والولد، ولما بنتي تتجوز هقولها من الأول أن الجنسين متساويين وحتى لو قررت متتجوزش مش هتحكم في حريتها ولا هجبرها لأني مش بتحكم فيها، وإحنا كـ أمهات مميزات لأننا بنحمل ونخلف ونتولى مسئولية الطفل وتربيته وأنه يطلع شخص سوي.
