كريم العدل يدعم منى زكي: كفاية نظرية المؤامرة.. ومسلسل تحت الوصاية عن شخصية حقيقية
رد المخرج كريم العدل، على متابعة انتقدت الفنانة منى زكي، فور طرح البوستر الرسمي لمسلسل تحت الوصاية، المقرر عرضه في موسم رمضان 2023، ووصفتها بأنها مريضة.
وأعاد كريم العدل، منشور إحدى المتابعات المهاجمة لـ الفنانة منى زكي، عبر حسابه الشخصي بموقع التواصل الاجتماعي فيسبوك.
وكتب كريم العدل، منشورًا يرد فيه على إحدى المتابعات، حيث قال: دي تويتة وقعت قصادي بالصدفة.. بس الموضوع ده غريب جدا والله.
وتابع كريم العدل: يعني أولًا الجمال ده شيء نسبي.. لو إنتي شايفة أن منى زكي كده وحشة، ف دي رؤيتك إنتي.. أنا ممكن أشوفها حلوة عادي.. هي يا جماعة نيكول كيدمان لما بوظت مناخيرها علشان دور، ولا توم كروز لما طلع بكرش وأصلع، كانوا بيعملوا كده علشان عايزين يقولوا إن فيه فئة معينة شكلها وحش؟!.. مش منطق أبدًا والله.
وأضاف كريم العدل: ثانيًا، أنا حقيقي مش فاهم إيه علاقة التعليم بالموضوع عامة!!، ثالثًا، هل ده معناه إن كل المحجبات قمرات ومافيهومش ولا واحدة وحشة؟، مش منطقي.. وتاني نرجع نقول ده شيء نسبي يختلف من شخص للتاني.
وأردف كريم العدل: رابعًا بقى، منى زكي مسلسلها بنسبة كبيرة عن شخصية حقيقية، وبيحاولوا يقربوا بالشكل.. أصلًا بقى.. بجد الناس بقت بتحمل الفن والدراما فوق طاقته.
واختتم كريم العدل: وبياخدوا كل حاجة بشكل شخصي جدًا.. وطول الوقت عندهم نظرية المؤامرة، وكل واحد ولا واحدة يطلع يقول لك الكلمة اللذيذة بتاعة السم في العسل.. استهدوا بالله كده يا جماعة بجد.
