الرئيس السيسي: إوعوا حد يقلق من بكرة.. واطمنوا أنا مش قلقان
قال الرئيس عبد الفتاح السيسي، رئيس الجمهورية إن: ربنا أراد إن الدولة بناسها وكل شهيد من كل أسرة مصرية يكون هو الساتر الحاجز اللي بيقدم نفسه علشان احنا كلنا نكون بخير وسلامة.. وربنا أراد ونجانا.
وأضاف السيسي، خلال افتتاح مشروعات جديدة في محافظة المنيا، طب بعد ما نجانا من ده كله حد يكون قلقان من حاجة تانية.. ممكن لا.. مفيش خوف ولا قلق.. إوعوا حد يقلق من بكرة.. واطمنوا أنا مش قلقان.. بندير الأمور بإخلاص وأمانة وبشرف، في وقت عز فيه الشرف.
السيسي بمحافظة المنيا
وتابع السيسي: في دول تانية من غير ما نقول أي حاجة مازالت متضررة من اللى حصل وما زالت تعاني من اللى حصل.. صدقوني أنا كنت شايف كويس اوي إيه ممكن يحصل، شايف الخطر والترتيبات وكل حاجة.. كتير من الناس بتقول ما انتوا عملتوا.. الكل بيحاول وبيعمل والكل بيضحي.. ومش بتكلم عن مصر.
وتفقد الرئيس عبد الفتاح السيسي، مشروعات حياة كريمة بقرية المعصرة أول قرية نموذجية تكتمل بها مشروعات حياة كريمة بنسبة 100 % بمركز ومدينة ملوي، بمحافظة المنيا، كما تفقد عددا من مشروعات حياة كريمة داخل قرية المعصرة بمركز ملوي، والتي تضم المجمع الزراعي ومركز إنتاج الألبان ومكتب البريد بالقرية.
يشار إلى أن مدينة المنيا الجديدة، تم إنشاءها بموجب القرار مجلس الوزراء رقم 278 لسنة 1986، وبدأ العمل بها فعليا سنة 1991، وتم تعدیل كردون المدينة بالقرار الجمهوري رقم 392 لسنة 2004، وعلى قرار رئيس الجمهورية لسنة 2017 بشان تخصيص مساحة 4940.24 فدانا للغابات الشجرية وقرار المهندس رئيس مجلس الوزراء لسنة 2015 م بشان إعادة تخصيص مساحة 1522 فدانا لمدينة المنيا الجديدة، والتي تقع المدينة شرق النيل أمام مدينة المنيا القديمة وتبعد عن القاهرة 250 كم.
