عمرو وهبة: كنت بشتغل من تالتة إعدادي في محل عصير قصب وببيع كروت شحن
حل الفنان عمرو وهبة ضيفًا على برنامج معكم مع منى الشاذلي المذاع عبر قناة CBC، وتحدث عمرو وهبة عن حياته العملية والمجالات التي عمل بيها قبل دخوله عالم الفن.
عمرو وهبة يتحدث عن حياته العملية
وقال عمرو وهبة خلال لقائه مع الإعلامية منى الشاذلي، إنه عمل في العديد من المجالات المختلفة من صغره، إذ علق: بدأت أشتغل من 3 إعدادي، وكنت بشتغل من مبدأ أني عايز أجيب لنفسي هدوم العيد، ويبقى معايا فلوس أخرج في الويك إند مع صحابي، وأشتري الأكل اللي بحبه، طموحاتي كانت عالية شوية بالرغم من أن والدي كان مقتدر ماديًا.
وأضاف عمرو وهبة: اشتغلت في محل لعب أطفال، واشتغلت في مصانع وفي محل عصير قصب واشتغلت في محلات موبايلات كتير، وكنت بركب عجلة وأبيع كروت الشحن في الشوارع وأكسب في اليوم 20 أو 15 جنيه وطول ما كنت بجيب لبسي وحاجاتي لنقسي كنت مبسوط لأني مكنتش بشيل همي لـ أهلي.
وعن عمله خلال الدراسة في الجامعة، أوضح عمرو وهبة: في فترة الجامعة كنت بشتغل في صيدلية وشيفتي كان بيبدأ الساعة 10 بالليل واخترت الشيفت ده لأنه بيبقى هادي عشان أعرف أذاكر لآن الدنيا والأجواء كانت فاضية وهادية.
كما تحدث عمرو وهبة عن أكثر الأعمال المقربة له قبل دخوله الفن، معلقًا: ألطف شغلانة اشتغلتها هي الصيدلية لأن الناس كانت بتقولي يا دكتور، وأضاف مازحًا: لآني كنت الدكتور بتاع بليل وطالما الزبون قالي ي دكتور يبقى لازم ياخد حاجة وهو ماشي لأن ميفعش أقوله لا.
