مش ريهام عبد الغفور.. فريدة سيف النصر تكشف مفاجأة عن أول مرشحة لمسلسل أزمة منتصف العمر
كشفت الفنانة فريدة سيف النصر مفاجأة تخص مسلسل أزمة منتصف العمر بطولة الفنانة ريهام عبد الغفور، والذي عرض مؤخرًا على منصة شاهد.
وكتبت فريدة سيف النصر على حسابها الرسمي بـ فيس بوك منشورًا، قائلة: لقيت ده صدفة وزعلت أنا اتفرجت علشان أنا مقتنعة بالمؤلف الشاب صاحب حواديت الشانزليزيه أيمن سليم، وزعلت لأني مش مصدقه إزاي يتنازل عن قصته وفكرته وحواره والسيناريو التحفة اللي قريته أول حد.
وأضافت فريدة: لأنه كان لـ غادة عبد الرازق وأنا فيه، ليه يا أيمن تتنازل عن فكرتك وليه ما أخدوهاش كلها على بعضها منك، طبعا مع احترامي للي كاتب واللي مثلوا كلهم أكتر من ممتازين رائعين طبعا، لكن خدوا كتابتك لسكة تانية خالص.
واختتمت حديثها: أنت كاتبه بحرفية، الحقيقه أتمني بعد كده تدي الفكرة بالقصه والسيناريو والحوار.. وحقيقي مش هيندموا وصرّ أرجوك اصبر، وبرافو ومبروك يا أيمن وعارفه إن أحيانا بنضطر لبعض التنازلات غير المهينة لتمشية الحياة، اللي اقدر أقوله حقيقي ربنا معاك.
مسلسل أزمة منتصف العمر
وضم العمل عددا كبيرا من النجوم أبرزهم: الفنانة ريهام عبد الغفور، كريم فهمي، رنا رئيس، عمر السعيد، هند عبد العليم، ركين سعد، رشدي الشامي، من تأليف أحمد عادل سلطان وإخراج كريم العدل، وطرح مؤخرًا على منصة شاهد وحقق نجاحًا وانتشارًا كبير.
