بدرية طلبة: بحمد ربنا إني ممثلة دور ثاني.. وهبتعد عن الكوميدي في رمضان 2023
كشفت الفنانة بدرية طلبة تفاصيل مشاركتها في مسلسل حكاية أسيل، الذي من المقرر عرضه قريبًا.
وتحدثت الفنانة بدرية طلبة عن تفاصيل دورها في مسلسل حكاية أسيل، وذلك خلال لقائها مع القاهرة 24، حيث قالت: الشخصية مالهاش علاقة بيا خالص ومش كوميدي ولا ضحك غير حاجة بسيطة وفيه ممثلة جديدة اسمها بدرية هتشوفوها.
وتابعت بدرية طلبة حديثها عن كواليس العمل مع الفنانين الشباب، قائلة: كواليس العمل حلوة ة جدا وأي عمل حلو وكواليس كويسة بيبان على الشاشة للمتفرج لأن كلنا حلوين مع بعض ونفسيتنا حلوة، أجسد شخصية عايدة سيدة عندها مطعم وبتشتغل زي أي ست مصرية جدعة لها مواصفات وعندها مشكلة في حياتها ومحبوبة وسط ناسها اللي حواليها.
بدرية طلبة: أنا بتسند على الشباب لما بيكونوا في عمل معايا
وأردفت بدرية طلبة عن الشباب المشاركين في العمل: أنا بتسند على الشباب لما بيكونوا في عمل معايا وهيكونوا نجوم وأبطال ويشيلوا أعمال وأنا هكون جنبهم وبحلم أكون دور أول ولكن المهم أعرف أحقق دا.
بدرية طلبة: أنا مرضية بالصف التاني وعاجبة الناس
واختتمت بدرية طلبة: ميضرنيش لأن كتير حلموا يكونوا دور أول ودلوقتي واقفين على السلم مش عارفين يبقوا نجوم ولا عارفين يرجعوا صف تاني وأنا مرضية بالصف التاني وعاجبة الناس وبحمد ربنا دا فضل.
