معمول لي عمل بالشلل وعدم الزواج والإنجاب.. أبرز تصريحات حورية فرغلي التليفزيونية
حلّت الفنانة حورية فرغلي على الإعلامية إيمان الحصري، في برنامج مساء دي إم سي المذاع عبر شاشة DMC، وكشفت خلال الحلقة تفاصيل مرضها والعمليات التي خضعت لها بسبب مشكلة أنفها، كما تحدثت عن السحر التي تعرضت له بعد مسلسل ساحرة الجنوب.
وجاءت أبرز تصريحات حورية فرغلي على النحو التالي:
-من سنتين كنت عايزة أموت لأن كان فيه كورونا والدكتور اللي ممكن يعالجني كان موجود في أمريكا والسفارات كلها كانت مغلقة.
-في وقت مكنتش عارفة أبص في المرايا ولا استطعم الأكل ولا أشم أي ريحة وبالنسبالي مكنش فيه فرق بين العيشة والموت.
-أنا مبسوطة بنفسي جدًا في الوقت الحالي ومش باهتم بتعليقات الناس واللي مش عاجبه أي حاجة فيا يبص الناحية التانية مايبصليش.
-بقيت أحمد ربنا على أي حاجة والحمد لله على شكل أنفي وأي حاجة ربنا عملها فيا وفي الفترة اللي فاتت حاولت أتقرب من ربنا وأصلي واقرأ قرآن.
-حلم حياتي تقديم جزء تالت من مسلسل ساحرة الجنوب وأقدم دور حتشبسوت والأميرة ذات الهمة.
-عملت 27 عملية جراحية في 8 سنين وطلعت من تجربة المرض متلغبطة وجالي اكتئاب حاد وكنت حاسة إني في منطقة سودة.
-أخويا كان واقف معايا في كل خطوة وفي الأزمات مفيش أقرب من الاخوات لأن هما عيلتنا.
-اكتشفت إن معمول لي عمل بعد مسلسل ساحرة الجنوب ولقيته في البيت مكتوب فيه حورية تصاب بالشلل والمرض ويقف جوازها وخلفتها ورزقها.
-كنت بتعب من غير سبب ووزني وصل 49 كيلو ومش باكل واكتشفت في الآخر إنه سحر.
-معرفش مين اللي عملي العمل بس ده كان عايز يموتني مش بس يأذيني وماما ساعدتني وفكيناه وبقيت أحسن.
