محمد صبحي: أنا أجري كبير ومش بكسب من المسرح.. وبختار جمهوري
تحدث الفنان محمد صبحي عن المعوقات التي يواجهها في المسرح، مؤكدًا أن الإنتاج ضعيف وأنه يتحمل تكاليف التذاكر.
وقال محمد صبحي خلال بث مباشر عبر حسابه بموقع فيسبوك: أنا أجري كبير ومش بكسب من المسرح يادوب بنغطي المصاريف اليومية والخشب والحديد والأقمشة والديكورات، وبالتالي أنا مش باخد أجري عشان أقلل من سعر التذاكر خصوصًا أن إنتاج المسرح أصبح ضعيفا.
وواصل محمد صبحي: وبكون سعيد لما المشاهد يطلع من مسرحياتي مستفاد أكتر من المبلغ اللي دفعه في التذكرة، وأنا بختار جمهوري لأن الجمهور يشبه الفنان وبيحترمه من أعماله ومواضيعه وتاريخه، والحمدلله بلاقي المسرح مكتمل العدد في كل مسرحياتي وناس بتجيلي من محافظات بعيدة.
كما تطرق محمد صبحي للحديث عن مسلسله الشهير ونيس، قائلا: زمان كنت مقتنع أن ونيس مينفعش في عصرنا الحالي، ولكن مع الوقت لقيت أن الجمهور مرتبط بالمسلسل، وكل ما يتذاع من جديد الناس بتتفرج عليه لأنه مسلسل يحمل قيم مهمة وفيه أطفال بيتفرجوا عليه حاليًا.
محمد صبحي: دعيت ربنا مبقاش أعظم ممثل
كما سبق وكشف ونيس عبر حسابه على فيسبوك سبب عدم عرض مسرحياته على شاشات التلفزيون، قائلا: أنا دعيت ربنا إني مبقاش أعظم ممثل ويكفي أكون مختلف وربنا حققلي دا، ولكن القنوات مش بتعرض مسرحياتي لأنها محترمة زيادة عن اللزوم وبيشوفوا أنها لا تليق ومش هتجيب مشاهدات وعايزين التفاهات لأن الفن بقى تجارة، وبيشتروا مني حقوق الملكية وبعدين بيقتلوا أعمالي الفنية.
