السيسي: هنعمل معرض في سيناء فيه اسم وصورة كل مجرم.. الحرب هناك كانت شرسة
قال الرئيس عبد الفتاح السيسي رئيس الجمهورية، إنه يريد من المصريين أن يكونوا أكثر صلابة، لأن بناء دولة واستعادة مكانتها أمر ليس باليسير.
وأوضح السيسي خلال الندوة التثقيفية الـ 37 للقوات المسلحة: عاوزين نبقى أكثر صلابة، لأن التحديات كتير ومش هتنتهي، وبناء دولة واستعادة مكانتها أمر ليس باليسير، دولة بها 100 مليون وخمسة، و6 مليون ضيوف، محتاجة جهد وتضحية.
وأكمل: المعركة بدأت معاهم وكان كتير مننا يقول امتى تخلص، وكنا عارفين إنها هتخلص بفضل ربنا، إحنا مش بس هنعمل احفتالية في سيناء، لأ ده أحنا كمان هنعمل معرض للحرب دي، هنوريكم الحاجات اللي بقيت، اللي هم كتير قوي، من سلاح، زخاير، أجهزة اتصال، وكل ما تعنيه من أدوات حرب، الموضوع هناك مكانش بسيط.
معرض بسيناء
وتابع السيسي: الناس متعودة تشوف الحرب اللي هي دبابات وطيارات، زي الحروب التقليدية، بس الحرب دي كانت أكثر شراسة، العدو التقليدي أنت عارفه وبتشوفه، وبتقدر تتعامل معاه، لكن ده مش بنشوفه ومستخبي وسطينا، وبخسة وجبن يهاجمك ويجري، وطبعا الناس موجوعة على ولادها ومستقبل بلادها، المعرض ده هنوريكم صور بالاسم لكل اللي كانوا مجرمين هناك، بالاسم والصورة.
وحرص الرئيس عيد الفتاح السيسي، رئيس الجمهورية، على التقاط صور تذكارية مع أهالي شهداء مثلث القيادة، وذلك على هامش فعاليات الندوة التثقيفية الـ37 للقوات المسلحة، التي تقام اليوم الخميس، في مركز المنارة للمؤتمرات الدولية.
وطلب الرئيس عبد الفتاح السيسي، رئيس الجمهورية أن يلتقط صورة مع أهالي شهداء مثلث القيادة قائلًا لأهالي الشهداء: تسمحولي اتصوّر معاكم؟.
