ننشر التحقيقات فى مشاجرة العمرانية | خاص
جريمة العمرانية.. كشفت التحقيقات في قضية مقتل شاب يدعى عيد محمد علي يد 4 أشخاص بسبب مشاجرة نشبت بينهم بسبب الأطفال بمنطقة العمرانية التابعة لمحافظة الجيزة، حيث استخدم المتهمون أسلحة نارية وأطلقوا النيران على المجني عليه وأصيب بطلقة في الظهر من الناحية اليسرى أفقدته توازنه فسقط على الأرض وتوفي في الحال، واعتدوا على شقيقه بأسلحة وأحدثوا به عاهة مستديمة.
وينشر القاهرة 24 أقوال شقيق المجني عليه في التحقيقات
سـ: ما تفصيلات حدوث إصابتك تحديدا؟
جـ: اللي حصل إني كنت في البيت يوم الجمعة إجازتي، وصحيت من النوم على صوت ظيطة في الشارع، ففتحت الشباك سمعت صوت اقتلوه اقتلوه لقیت أسامة عصام وأخوه علاء عام ماسكين في إيديهم أسلحة بيضاء ورايحين على أخويا هاني بيضربوه وهو بيدافع عن نفسه بالعكاز بتاعه، فأنا نزلت بسرعة، وحاولت أدافع عن أخويا بكرسي المحل اللى قدام البيت، راح المتهم أسامة عصام ضربني على وشي بالسكينة، فأنا ميلت من الضربة راح أخوه علاء ضربني بالسكينة اللي معاه على راسي ووقعت ومحستش بحاجة، والناس خدوني على المستشفى وده كل اللي حصل.
سـ: أين حدث ذلك؟
جـ : الكلام ده حصل قدام بيتي في الطالبية هرم.
سـ: وما سبب ومناسبة وجودك بالزمان والمكان سالفي الذكر؟
أنا كنت في بيتي يوم إجازتي.
سـ: ومن كان رفقتك آنذاك؟
جـ: كان معايا إخواتي أسامة وهاني.
سـ: صف لنا كيفية حدوث إصابتك؟
جـ: كنت في البيت يوم الجمعة إجازتي، وصحيت من النوم على صوت ظيطة في الشارع، ففتحت الشباك سمعت صوت اقتلوه اقتلوه لقیت أسامة عصام وأخوه علاء عام ماسكين في إيديهم أسلحة بيضاء ورايحين على أخويا هاني بيضربوه وهو بيدافع عن نفسه بالعكاز بتاعه، فأنا نزلت بسرعة، وحاولت أدافع عن أخويا بكرسي المحل اللى قدام البيت، راح المتهم أسامة عصام ضربني على وشي بالسكينة، فأنا ميلت من الضربة راح أخوه علاء ضربني بالسكينة اللي معاه على راسي ووقعت ومحستش بحاجة، والناس خدوني على المستشفى وده كل اللي حصل..
سـ: من محدث إصابتك تحديدًا؟
جـ: اللي أحدث إصابتي كل من -١ أسامة ع. ف. س، ۲ علاء ع. ف. س.
سـ: وما قصدهما من إحداث إصابتك؟
جـ: قصدهم يعوروني ويحدثوا إصابتي.
سـ: وكيف وقفت على ذلك القصد؟
جـ: عشان هما كانوا عاوزين أخويا هاني مش عاوزني أنا، لأني في وشهم لو كانوا عاوزين يموتوني كانوا موتوني.
سـ: ما الأداة التي استخدمت في إحداث إصابتك؟
جـ: ضربوني بسكنتين الأولى كانت سكينة كبيرة وكان ماسكها أسامه بإيده اليمين، وضربني بيها على جبيني من ناحية الشمال، السكينه التانية كانت صغيرة، وكان ماسكها علاء بإيده اليمين برضه، وضربني بيها على راسي لما ميلت
من الضربة الأولى.
سـ: وما الحالة التي كنت عليها وقت اعتداء المتهمين عليك؟
جـ: أنا كنت واقف ماسك كرسي بحاول أدافع عن أخويا هاني.
سـ: هل كان المتهمون على علم بمكان وجودك وقت حدوث الاعتداء عليك؟
جـ: لا، لأني نادر لما آخد إجازة يوم الجمعة.
س: وهل من ثمة حوار دار فيما بينك وبين المتهمين؟
جـ: لا.
سـ: وما هي صلتك بكل من المتهمين -1- أسامة ع. ف -2- أميمة ع. ف ٣- علاء ع. ف؟
جـ: مفيش.
سـ: وهل من ثمة خلاقات سابقة بينكم؟
جـ: لا
سـ: هل حاولت ردّ الاعتداء عنك من قبل المتهمين؟
جـ: أيوة، كنت ماسك كرسي في إيدي بس وقع مني فهمّ ضربوني.
