عمرو دياب عن محمد منير: وقفتي معاه على المسرح تاريخ.. وأنا من محبيه
كشف الهضبة عمرو دياب تفاصيل تعاونه مع الكينج محمد منير، وغنائه لأول مرة مع أوركسترا، وذلك خلال مشاركته في حفل تكريم الموسيقار هاني شنودة.
وأعرب عمرو دياب عن سعادته الشديدة بمقابلة محمد منير، وغنائهما معًا على المسرح، وذلك خلال لقائه مع برنامج Et بالعربي، حيث قال: محمد منير نجم كبير، وطول عمري بحبه كمغني، قبل ما ابتدي أصلًا إني اشتغل، وبالنسبالي عمل عظيم، ووقفتي معاه لها تاريخ، وأنا من محبيه.
وعن تكريم هاني شنودة، أضاف عمرو دياب: يستحق التكريم لأن لما يكون فيه فنان كبير وفجأة حد يجيله ويقوله عايز أغني، فينصحه ويقوله، ويقف جنبه ويساعده، وديه رسالة محتاجينها دلوقتي، ولازم التكريم ده كان يحصله.
وأكمل: أنا درست الأوركسترا وكل حاجه، ولكن ديه أول مرة أغني مع أوركسترا، والتجربة رائعة ولازم أكررها تاني.
وأردف عمرو دياب بـ: الفنانين حبايبي وأصدقائي، وكلهم أصحابي، وبكن لهم الاحترام، والتجميعة ديه ببقى فخور بيها، أكن كلنا مع بعض في مصر بنشتغل في الاستديوهات، وفجأة واقفين مع بعض الحكاية مهمة جدًا بالنسبالنا، لأن مينفعش نكون قاعدين في الاستديوهات بس، لازم نشوف الجمهور وهم يشوفونا، ونشوف بردو الناس المحترمة زي الأستاذ هاني شنودة، والكينج محمد منير.
عمرو دياب لتركي آل الشيخ: دائم الدعم للموسيقى.. وأشكره على مبادرة تكريم هاني شنودة
واختتم عمرو دياب حديثه عن تعاونه مع تركي أل الشيخ، قائلًا: هو دائم الدعم للموسيقى والأغنية، وتعاونا معًا في العديد من الأغاني البارزة، والتي أديتها على المسرح، منها محسود وبرج الحوت، وسنتعاون أكثر في المستقبل، وأي شخص داعم لمجالي أكن له كل الاحترام والتقدير، ومبادرة تكريم الأستاذ هاني شنودة توضح مدى اهتمامه بالموسيقى، وأشكره عليها.
