لبنى ونس: مش بتفرج على أعمال في رمضان.. وأنا بعتبره شهر أوكازيون للحسنات وبحاول أشوف فروضي
كشفت الفنانة لبنى ونس، رأيها حول عدم مشاهدة الأعمال الدرامية في شهر رمضان، مؤكدة أنها لا تفضل متابعة الأعمال الدرامية لأن هذا شهر الرحمة والمغفرة ولابد أن نستبشر بفضائل هذا الشهر ونبتعد عن كل ما يغضب الله فيه.
وقالت لبنى ونس، في تصريحات لـ القاهرة 24، إنها لا تفضل متابعة الأعمال الدرامية خلال شهر رمضان، بسبب انشغالها بالتصوير، واستكمال باقي الشهر في تأدية فروض الله والنوافل، موضحة: مش بتفرج على أعمال في رمضان كفاية علينا التصوير، وما تبقى من رمضان بحاول أشوف فروضي ونوافلي عشان ربنا يكرمني.
لبنى ونس: شهر رمضان أوكازيون ببلاش الحقوا الرحمة والمغفرة
وتابعت لبنى ونس: شهر رمضان بعتبره أوكازيون ببلاش ربنا حط فيه الرحمة والمغفرة والعتق من النار كل ده ببلاش فالحقوا، إن الحسنات يذهبن السيئات.
لبنى ونس: شهر رمضان ميتفوتش
وأشارت لبني ونس إلى أن شهر رمضان هو شهر متخصص للعبادات وليس لمتابعة أعمال درامية، إذ قالت: رمضان للعبادة مع أني شغالة في أعمال لأني هاكل منين، الرزق على الله، لكن أنا بسعى وده رزقي ومهنتي، لكن أنا لو بجد أقدر استغنى هستغنى لأنه شهر ميتفوتش بس غصب عني وربنا مفيش أرحم منه.
آخر أعمال لبنى ونس
يشار إلى أن لبنى ونس، شاركت في مسرحية أحفاد ريا وسكينة، التي عُرضت في موسم الرياض، وضم العمل نخبة من أبرز الفنانين، منهم: دينا الشربيني، علاء زينهم، بيومي فؤاد، حسن عبد الفتاح، لبنى ونس، ياسمين رئيس، كريم أدريانو، وهو من تأليف مصطفى حسني، وإخراج هادي الباجوري.
