بشرى: المنصات بتستعبد الفنانين والصناعة.. وبقينا ترزية وبنخيط المشاريع | فيديو
كشفت الفنانة بشرى رأيها في الأعمال التي تُعرض على المنصات الإلكترونية، مشيرة إلى أن المنصات تستعبد الفنانين وصناع الأعمال الفنية، على حد تعبيرها.
وقالت الفنانة بشرى في لقائها مع القاهرة 24، إن البعض أخذ تصريحا سابقا لها حول المنصات الإلكترونية، وتم فهمه بطريقة مختلفة، إذ علقت: خدوا كلامي وفسروه بطريقة غريبة جدًا، بس الحقيقة أن المنصات الإلكترونية مش بس بتستبعد الفنانين، دي بقت تستعبد الصناعة كلها، وهي في نفس الوقت نافذة للصناعة.
وأردفت بشرى: يعني ماينفعش نقول حاجة ونسيب حاجة تانية، المشكلة مش في ده المشكلة في حاجة تانية وهي أننا بقينا زي الترزية بنخيط المشاريع مش على هوانا لأ على هوى اللي هيشتري أو على هوى الشاشة اللي هتعرض مش على هوانا إحنا ومش على تقاليدنا، يعني لما بقينا بنقعد مع الكتاب والمخرجين بيبقوا عايزين يعملوا اللي هما عايزينه مش اللي المخرج عايزه وفي دماغه.
بشرى: عندنا حاجات أهم من ياسمين عز نتكلم عنها
في سياق مختلف، كشفت بشرى رأيها في تصريحات الإعلامية ياسمين عز، إذ أشارت في تصريحات سابقة للقاهرة 24، إلى أن لديها أشياء أخرى أهم من التعليق على تصريحات ياسمين عز، موضحة: مبحبش أعلق على الحاجات دي.
واختتمت بشرى: الدينا فيها حاجات أهم من أني أعلق على كلامها، وبدل ما أعلق على شوية الحاجات اللي من النوع ده، أحسنلي أروح أقرأ كتاب مفيد، أو أروح أنتج سيرة ذاتية لـ شخصية نسائية عظيمة وعالمة زي سميرة موسى، أو أنتج عمل عن فنانة أثرت في المجتمع أو وزيرة أو حتى ست من الريف المصري بتشقى وتتعب وبتشتغل وبتعمل حاجة.
