مي سليم: معنديش مانع بنتي تدخل التمثيل بشرط تكون واعية.. وممكن نشارك سوا في عمل فني
كشفت الفنانة مي سليم تفاصيل أغنيتها الجديدة التي تحمل اسم يا بنتي، بجانب الحديث عن إمكانية مشاركة ابنتها معها في عمل فني.
وقالت مي سليم لـ القاهرة 24: دايما كان نفسي أعمل أغنية من الأم لـ بنتها في فرحها وأول ما الفكرة جاتلي كلمت المنتجة آلاء لاشين واشتغلنا على الأغنية وكل البنات حبوها جدًا وبيعيطوا بسببها وبقولهم دا أنتوا بناتكم صغيرين بتعيطوا ليه من دلوقتي، وأنا لم أبتعد عن الغناء خالص وخلاص اللي فات مات وبعمل أغاني جديدة.
مي سليم: أنا لسه صغيرة وبنتي 10 سنين بس.. وممكن نشارك سوا في عمل فني
وواصلت مي سليم: أنا صغيرة وبنتي لسه صغيرة بردو وهي عندها 10 سنين وممكن نتعاون في عمل مناسب ومعنديش مشكلة إطلاقا تدخل مجال التمثيل أو الغناء بس لما تكبر ولو عندها موهبة وتكون واعية بـ قرارتها إنما لو صغيرة ممكن أخليها تشارك معايا في عمل لأن مش هتكون لوحدها.
كما سبق وتحدثت مي سليم عن إمكانية تقديمها موضوعات جريئة في أعمالها الفنية، وقالت في تصريح سابق لـ القاهرة 24: الشخصية لو الجمهور كرهها واتعرضت للهجوم أبقى عرفت أعمل الرسالة صح إنما لو دا محصلش يبقى معرفناش نقدمها بشكل مناسب، ومعنديش مشكلة أقدم جميع الموضوعات حتى لو جريئة ولكن بشرط أنها متكونش خادشة للحياء ونقدمها بشكل يناسب الجمهور.
