12 ساعة وقفة دون راحة.. شكوى ضد إدارة مول طلعت حرب بسبب أوضاع عمال النظافة
نشرت البلوجر رانيا يحيى رسالة أحد المتابعين لها على موقع التواصل الاجتماعي فيس بوك، في شكوى ضد إدارة مول طلعب حرب.
وجاء في نص الشكوى المرسلة عبر ماسنجر من قبل ماجي فهمي: إنها خلال زيارتها لمول طلعت حرب بوسط البد وخلال ذهابها لحمام المول وجدت إحدى عاملات النظافة يظهر عليها علامات التعب، حيث كانت تقف أمام باب الحمام، وبسؤال عاملة النظافة عن كرسي تجلس عليه: قالت إن إدارة المول منعت وجود كرسي، وأنها تظل واقفة 12 ساعة خلال فترة العمل.
شكوى ضد إدارة مول طلعب حرب
وتساءلت ماجي في رسالتها: يعني إية 12 ساعة شغل، بس للأسف شغل النظافة في مصر دايما بيبقى من 10 لأ 12 ساعة وبراتب ضعيف.
وأكملت: ليه الست تفضل واقفة، هي عليها ذنب؟، كانت واقفة ماسكة المساحة وساندة عليها من التعب، ليه يشيلوا الكرسي؟.
واختتمت ماجي رسالتها: الحمام مش ضيق عشان يشيلوا الكرسي والطبيعي إن يبقى فيه كرسي يا إما برا يا إما جوا الحمام.
وحذفت البلوجر رانيا يحيى المنشور الخاص بالشكوى الواردة إليها ضد مول طلعت حرب، بعد نشره بـ 30 دقيقة، قائلة: مسحت بوست المول عشان اللي بيقولوا انتوا كدة هتتسببوا في رفدها وأنا احترت مش عارفة كدة بنفعها ولا بضرها، عمومًا الاسكرين اللي اتبعتتلي في كتير منكم خدوها تقدروا تبعتوها لبيدج المول أو تتصرفوا زي مانتوا عاوزين.
