خالد الجندي يهاجم مصطفى العدوي: بيخلي الناس ملاحدة ومشركين بدون علم
أذاع الشيخ خالد الجندي، عضو المجلس الأعلى للشئون الإسلامية، مقطعي فيديو للداعية السلفى مصطفى العدوي، يتحدث فيه عن أن قول كلمة طبيعى، مثل سمن طبيعى أو لبن طبيعى، أو زيت طبيعى أو خلافه، نسب الأشياء للطبيعة هذا من مسلك ومن أقوال أهل الشرك والإلحاد، مضيفا: شرك أن تقول هذا المفروض إن كل ما يحدث فى الكون هو بإرادة الله.
خالد الجندي يهاجم مصطفى العدوي: بيخلي الناس ملاحدة ومشركين بدون علم
وتابع خالد الجندي، خلال حلقة برنامج لعلهم يفقهون المذاع على فضائية dmc: طبعا الراجل ده كثير من كلامه خطأ وكارثى، والناس بتفكر خطا بينى وبينه عداوة، تعالوا شوفوا كلامه يعنى لما يتهمك إنك ملحد أو مشرك، اسمع بقى أغرب فتوى ممكن تسمعها فى حياتك، شوفوا الجهالة اللى تفوق حدود الإدراك يعنى لما تقول سمن طبيعى أو لبن طبيعى بتنسبه للطبيعة وده كلام المشركين والملاحدة، يقوم مولانا يحول كل الستات لملحدين عشان لو قالت بطبخ بسمن طبيعى أو لبن طبيعى، هذا الرجل بيقول حاجات عجيبة.
واستكمل خالد الجندي: ده راجل متعلم معاه بكاليورس هندسة قسم ميكانيكا، هو مش عارف إن العلم تخصص وبالتالي الفتاوى بتخرج كوميدية، يعنى واحدة ترضع رضاعة طبيعية تبقى شرك، يبقى لو على كلام الشيخ يبقى تقول رضعت ابنى رضاعة ربانية.
وخلال الحلقة، علق خالد الجندي، على المؤتمر الدولي العلمي الرابع الذي نظمته كلية أصول الدين تحت عنوان وسائل التواصل الحديثة بين المكتسبات الحضارية والثوابت الاجتماعية من منظور إسلامي.
خالد الجندي: ىجالتك نسيونا يا فضيلة الإمام.. إحنا ضهركم الإعلامي
ووجه رسال للدكتور أحمد الطيب شيخ الأزهر قائلا: للأسف المؤتمر نسي إنه من وسائل التواصل الحديثة إنه يعمل تواصل معانا، وأنا بقولها للإمام الأكبر رجالتك نسيونا يا فضيلة الإمام، إحنا ضهركم الإعلامي ودورنا إننا نقول للناس إن الأزهر مش نايم ومش متوقف وبيواجه الأفكار الشاردة على المجتمع وإن الخطاب في الأزهر سابق لزمنه.
وتابع: الأزهر ما زال مشعل الريادة، وعنوان ونبراس القيادة الحكيمة في كل المناحي الإنسانية في المجتمع.
