بركات يوجه رسالة إلى جماهير الأهلي بسبب الشناوي
طالب الإعلامي محمد بركات، جماهير الأهلي بدعم محمد الشناوي، حارس مرمى الفريق، من أجل العودة لمستواه مرة أخرى.
تصريحات محمد بركات
وقال بركات في تصريحات تليفزيونية: احنا بننسى الناس اللي ساعدتنا وقدمتلنا الكتير بسرعة وكلامي عن محمد الشناوي اللي قدم الكتير للأهلي.
وأردف بركات قائلا: الشناوي تراجع مستواه مؤخرا واتسبب في بعض الأهداف، ولكن اللي قدمه للأهلي كتير ولازم الكل يتكاتف ويساعد الشناوي ويدعمه عشان يرجع لمستواه مرة تانية.
وواصل بركات: حتى والشناوي مش فايق فهو أفضل من حراس كتير، ويفضل قيمة كبيرة عند جماهير النادي الأهلي.
واختتم محمد بركات قائلًا: مينفعش الناس تطالب برحيله وتهاجمه بقوة وتنسى كل اللي قدمه لصالح الأهلي، واللاعب ممكن يتعرض لـ"شرخ داخلي " لما يلاقي هجوم كبير من الجماهير وينسوا كل اللي قدمه للفريق.
انتصارين لا بديل عنهما
وفي سياق آخر أكد محمد بركات أن فريق النادي الأهلي يحتاج للفوز في المواجهتين المقبلتين بدوري أبطال إفريقيا، أمام القطن الكاميروني والهلال السوداني، بغض النظر عن التأهل، وفي هذا الصدد قال بركات: النادي الأهلي كبير، ومينفعش يخرج من دور المجموعات بـ4 نقط فقط.
وأضاف: لازم الأهلي يعمل اللي عليه ويفوز بالـ6 نقط من الماتشين الجايين بغض النظر عن الصعود.
واختتم لاعب الأهلي السابق حديثه قائلًا: فوز الأهلي في الماتشين الجايين هيدي ثقة للفريق في الفترة الجاية بغض النظر عن التأهل من عدمه.
