مسلسلات رمضان 2023.. مخرج جت سليمة يرد على اتهامات سرقة فكرة العمل: لو حد له حق هياخده| خاص
علق إسلام خيري مخرج مسلسل جت سليمة بطولة الفنانة دنيا سمير غانم المقرر عرضه في الماراثون الرمضاني المقبل 2023، على اتهامات سرقة فكرة العمل من رواية تحمل اسم فاكيت أفريت لـ روان أبو خشم.
وقال إسلام خيري في تصريحات خاصة لـ القاهرة 24، إن صيغة المسلسل تختلف تمامًا عن رواية فاكيت أفريت، موضحًا: والله لو حد له حق ياخده، أنا شخصيًا أو مرة في حياتي أعرف أن في رواية بتقول الكلام ده.
وعن تشابه فكرة مسلسل جت سليمة مع فكرة رواية فاكيت أفريب والتي تدور حول تغيير الزمن بواسطة قراءة كتاب، علق إسلام خيري: الكلام الي بيتقال ده كلام مرسل خالص، يعني فكرة أن حد يتنقل من زمن إلى زمن آخر عبر وسيط زي كتاب أو قراءة أو أي شئ معين أو حتى تعويذة معينة وبيقترن بظاهرة طبيعية في نفس اللحظة مثل البرق أو الرعد دي كلها أفكار موجودة من زمان وتم عرضها في أكثر من عمل، ولكن ما هو المحتوى الداخلي للعمل.
إسلام خيري: جت سليمة متألف ولو حد له حق هياخده
كما أكد المخرج إسلام خيري، مخرج مسلسل جت سليمة، أن فكرة العمل قد تكون متشابه نظرًا لطرحها بصيع وأشكال مختلفة بوسائط كثيرة، ولكن المحتوى الداخلي للعمل يختلف عن محتوى الرواية، موضحًا: أنا بأكد أن المسلسل ده متألف بشكل سليم ومفهوش أي تشابه أو اقتباس، ولما المسلسل ينزل نشوف حد محايد يحكم ما بين محتوى الرواية وأحداث المسلسل، ولكن لو حد له حق هياخده.
وعن تشابه جملة “في النهاية والبداية” والتي أشارت روان أبو خشم صاحبة رواية فاكيت أفريب والتي أتهمت صناع مسلسل جت سليمة بسرقة فكرة الرواية في تصريحات سابقة لـ القاهرة 24، علق إسلام خيري مؤلف جت سليمة: الجملة اللي بتقول النهاية والبداية دي صيغة مختلفة تمامًا، وأظن أنها هتطلع بشكل أحسن، بس أنا شايف أن مفيش تشابه وممكن دي تبقى شهادة مجروحة مني بس الحكم لما المسلسل يتشاف والرواية تتشاف وحد محايد يقول أن في اقتباس ولا لا.
فتاة تتهم صناع مسلسل جت سليمة بسرقة فكرتها.
أكدت روان أبو خشم صاحبة رواية فاكيت أفريب، في تصريحات سابقة لـ القاهرة 24، أن فكرة مسلسل جت سليمة بطولة الفنانة دنيا سمير غانم مأخوذة من روايتها، إذ قالت: القصة بـ اختصار إن في بنت هتنتقل عن طريق كتاب لـ عصر تاني وده هيبقى عن طريق إنها هتقرأ كلام في كتاب وأول ما تقرأه هتظهر عصفورة سوداء وتتنقل لزمن تاني، وعندي في الرواية جملة مبني عليها الأحداث اسمها (النهاية ولكنها البداية) ولما شوفت البرومو بتاع المسلسل لاقيت نفس الفكرة بتاعتي.
وتابعت: الرواية بتاعتي نزلت في معرض الكتاب عام 2021 يعني قبل المسلسل بسنتين، وروايتي مسجلة ولها رقم إيداع ورقم ترقيم دولي وليا حقوق ملكية فكرية، وأنا رافعة قضية ومش هسيب حقي.
