حنان ترك: الفن مش حرام.. ويصعب عليا اللي يقول أن سمعته وحشة| نوستالجيا
تحدثت الفنانة حنان ترك عن رأيها في الفنانات المعتزلات بسبب الحجاب، قائلة: أنا مش مع اللي يقول أنا توبت، إضافة إلى رأيها في الفن بشكل عام.
قالت حنان ترك في إحدى اللقاءات التليفزيونية النادرة: بزعل أوي من بعض الفنانات المعتزلين اللي اعتزلوا عشان الحجاب، أنا مش مع اللي يقول أنا توبت، ومش عايزة أحرم الحلال وأحلل الحرام، ومش عايزة أقول حاجة وأفتي فيها وأنا مش عارفة، ولكن مش بحب اللي يقول على الفن حرام ويصعب عليا اللي يقول أن الفن سمعته وحشة.
وأضافت حنان ترك: في دكاترة كتير جدًا بنسمع عنهم كل يوم عليهم بلاوي، وفي مهندسين عندهم مصايب العمارات بتقع على دماغ الأطفال وفي محامين بيرتشوا وفي قضاة مرتشين، الفن كمان ده مجال من بعض المجالات مينفعش إن إحنا نعمم.
واختتمت حنان حديثها: الهداية من عند الله إنما مش معنى كده إن أنتِ كنتِ كافرة متكفريش حد بس، اللي بيضايقني منحطش دايما الفن في صورة وحشة، لأنه حاجه حلوة أوي ومحترمه أوي، ولو محترمنهاش يبقى مبنحترمش نفسنا.. شادية بعد ما اعتزلت مقالتش أن الفن حرام ولا أي حاجة.
آخر أعمال حنان ترك
يعد آخر أعمال حنان ترك، فيلم يحمل اسم النداهة وهو من تأليف وإخراج خالد المهدي، وضم عدد كبير من الفنانين من بينهم هاني عادل ولبنى ونس.
