جوري بكر ترد على منتقدي سفرها مع خطيبها قبل الزواج: ما يمكن متجوزين ومش عايزين نشهِر
ردت الإعلامية والفنانة جوري بكر على منتقدي سفرها مع خطيبها قبل زواجهما، مؤكدة أن حياتها الشخصية لا تخص أحدا.
وقالت جوري بكر لـ القاهرة 24: حياتي تخصني أنا بس، وقررت أحذف صوري مع جوزي عشان أبعد عن التعليقات السخيفة، وسافرنا مرة واحدة والله أعلم يمكن اللي بيعملوا كدا متجوزين ومش عايزين نشهر، المشكلة إن الناس بيحكموا من الصور من غير ما يعرفوا الظروف، وطالما كدا احكموا على شغلي مش حياتي.
وواصلت جوري بكر: وأنا محبتش أنشر تفاصيل زواجي لأني مش عايزة الناس تقول إني كان لازم أقولهم ودي حاجة تخصنا أنا وجوزي ومش لازم أقول أنا رايحة فين وجاية منين ولكن دي ضريبة الشهرة للأسف.
كما سبق وكشفت جوري بكر سبب إخفائها موعد زواجها، وقالت في تصريح سابق لـ القاهرة 24: الزواج كان مفاجأة لأن المفروض كتب الكتاب يبقى بعد رمضان، وأنا بخاف من الحسد وكمان حياتي ملكي أنا بس ومش لازم أنشر كل شيء على السوشيال ميديا، وأحيانًا بتحصل كوارث بسبب الحسد وأنا حساسة له جدًا، وكمان براعي ظروف الناس لأني معرفش مين بيحبني بجد.
مشاركة جوري بكر في جعفر العمدة
وعلى جانب آخر، تشارك جوري بكر في الموسم الرمضاني المقبل 2023 بمسلسل جعفر العمدة، والذي يضم العديد من الفنانين، أبرزهم فريدة سيف النصر، ومي كساب، وإيمان العاصي، ومنة فضالي وهالة صدقي.
