فتاة تستغيث من والدها بالدقهلية: عايز يطردني أنا وأمي المريضة في الشارع عشان خاطر رقاصة
استغاثت فتاة تدعى حنان إبراهيم طلبة حميدة، تبلغ من العمر 23 عامًا، من مركز طلخا بمحافظة الدقهلية، عبر موقع التواصل الاجتماعي فيسبوك، حيث قالت في منشور لها: أنا بتعرض للعنف الأسري ومهددة بالقتل والرمي في الشارع أنا وأمي المريضة العاجزة، وعيلتي اللي المفروض انهم سندي وضهري اتخلوا عني تمامًا.
تهديد بالطرد والقتل من قبل الأب
وفي حوارها لـ القاهرة 24، قالت حنان إبراهيم، إنها تتعرض للعنف الأسري من قبل والدها الذي يعمل موظفا إداريا بإدارة التربية والتعليم، حيث هددها بالطرد من المنزل هي ووالدتها المريضة، بعد أن كتب مسكن الزوجية لسيدة أخرى ادعى أنه تزوجها.
ومن جانبها، قالت الأم حنان إبراهيم محمد، البالغة من العمر 50 عامًا، عرفت من الجيران وقرايبي إن جوزي على علاقة براقصة، ولما واجهته قال إنه متجوزها عرفي، ولكن اللي اتضح بعد كدا إنها على ذمة رجل آخر، وعندها منه عيلين.
وأردفت الأم قائلة: اتعرف عليها من 7 شهور وكتب لها الشقة اللي أنا شقيت وتعبت عشان أجهزها، وجاي دلوقتي يهددنا بالقتل والطرد في الشارع، ورفع علينا السكينة في الشارع وضربنا وبهدلنا قدام الناس، واللي بيقول عليها مراته دي خلت إخواتها يكلموني يهددوني بالقتل أنا وبنتي عشان خاطر الشقة.
واختتمت الأم: اتجوزته من 27 سنة، كلهم مشاكل وحزن، وصبرت معاه عشان خاطر أربي بنتي، ومن كتر الغم اللي عيشني فيه جاتلي جلطة في الشريان التاجي والسكر، وفي الآخر راح عرف عليا رقاصة من بتوع الموالد، وبيقول إنه اتجوزها عرفي.. طيب إزاي واللي عرفته أصلًا إنها من الشرقية وعلى ذمة واحد تاني وعندها منه عيال.
