نهال عنبر عن علاقتها بابنها المخرج حسام الحسيني: خاصمته 60 يومًا بسبب الديسكو
تحدثت الفنانة نهال عنبر عن علاقتها بابنها المخرج حسام الحسيني، إلى جانب سبب إصرارها على زواجه في سن صغير.
وقالت الفنانة نهال عنبر في تصريحات تلفزيونية، إنها كانت حريصة على زواج ابنها المخرج حسام الحسيني وهو في سن صغيرة حتى تفرح بأولاده خاصة أنه ابنها الوحيد ولم تنجب غيره.
نهال عنبر: كنت هتجنن على العزوة
وأضافت: كنت هتجنن على العزوة، وجوزت حسام وهو عنده 22 سنة، وأهلى اعترضوا لأنه كان صغير ولكني اصريت على زواجه.
وأكملت نهال عنبر: أنا أيضا تزوجت صغيرة وكان عمري 18 سنة لذا كونت علاقة صداقة وأمومة بيني وبين حسام ابني لأن الفرق بيننا ليس كبيرًا، وأنا كنت الأب والأم لحسام لأن والده كان مسافر طوال الوقت، وأنا كنت حنينه جدا وشديدة في نفس الوقت لكن مش قاسية.
كما كشفت نهال عنبر أنها خاصمت ابنها 60 يومًا قائلة: كان عاوز يروح ديسكو وأنا كنت بخاف من الحاجات دي فقلت له مش هتروح ولو عاوز تروح هروح معاك، فقال لي إزاي أنا كبرت فقلت له مش هتروح فقال لي حرام عليكي بقى، فجيت أمسك سبت الزبالة علشان أحدفه به فجري مني فقلت له لا أنا أمك ولا تعرفني لمدة شهرين.
وواصلت: أحفادي طالعين شخصيتهم قوية مثلي، وأنا اخدت ده من ماما لأنها كانت من أصول شركسية وكل حاجة عندها بنظام.
