شاب من ذوي الهمم: بكافح من 10 سنين في الشارع.. ونفسي أفتح محل سِبَح وأبسط أبويا وأمي
سطِّرت قصة كفاح جديدة بطلها شاب من ذوي الهمم يدعى مصطفى من سكان الإسكندرية ويبلغ من العمر 16 عامًا، وبالرغم من إعاقته وصغر سنه إلا أنه يتكفل بالصرف على عائلته من خلال بيع السبح والحلويات في الشارع، وتواصل القاهرة 24 مع الشاب مصطفى، لسرد تفاصيل قصته.
قصة كفاح شاب من ذوي الهمم: في الشارع منذ 10 سنوات ونفسي أفتح محل سبح وأخلي أبويا وأمي مبسوطين
وسرد الشاب مصطفى بداياته مع التجوال والبيع في الشارع قائلًا: حصلتلي حادثة وأنا صغير وأثرت على حركتي، وبدأت منذ 10 سنوات في بيع الحلويات والشوكولاتة في الشارع، ومع الوقت بدأت في بيع السبح بجانب بيعي لبعض الحلويات.
وعن الصعوبات التي يواجها خلال عمله قال مصطفى: فيه صعوبات كتير بتواجهني بس فيه ناس كتير بتقف جنبي وبتدعمني، والدي قاعد في البيت وعامل عملية، وبصرف على أهلي من صغري.
وتابع: أنا في ثالثة ثانوي علمي علوم ونفسي أدخل كلية طب قسم جراحة، وبنزل من البيت من الساعة 6 وبرجع 4 العصر، وفي الصيف ممكن أطبق يوم كامل في الشارع، وبقف كل يوم عند جيلاتي نظامي يإسكندرية.
مصطفى: نفسي يبقى عندي محل سبح وأخلي أبويا وأمي مبسوطين
وأشار مصطفى إلى تطوير مشروعه وحلمه قائلًا: نفسي يبقى عندي محل وأبيع فيه سبح، ونفسي أشوف أمي وأبويا مبسوطين.
