لو بلغتي مش هتشوفي ابنك تاني.. ننشر نص التحقيقات في قضية البلوجر لوشا | خاص
كشفت التحقيقات في قضية اتهام البلوجر لوشا بخطف طفل بالاشتراك مع آخرين، تفاصيل الواقعة، بعدما أسند إليهم ابتزاز والدة الطفل وطلب فدية مقابل إطلاق سراحه في منطقة حدائق الأهرام بالجيزة، بعد صدور حكم بمعاقبته بالسجن 10 سنوات غيابيا.
التحقيقات في قضية البلوجر لوشا
وحصل القاهرة 24 على التحقيقات في قضية البلوجر لوشا، حيث كشفت أقوال والدة الطفل المخططف أمام جهات التحقيق، تفاصيل ما حدث مع المجني عليها هي وابنها المختطف.
وقالت والدة الطفل المختطف أمام رجال التحقيق: اللي حصل إن أنا كنت راجعة من إسكندرية أنا وأبني وواحد اسمه م. ك، دا حد معرفة وكنت متجوزاه من 3 أسابيع وكان بيوصلني مشاويري لما بعوز أسافر ولما وصلنا عند الطريق السياحي لقينا عربية لونها أزرق تقريبًا ماركتها بي ام دابليو وقفتنا ونزل منها ثلاثة أشخاص غير السواق وفتحوا العربية بتاعتنا ورشوا اسبراي في وشنا وراحوا واخدين ابني من الكنبة بتاعت العربية اللي ورا وجريوا بسرعة.
اعترافات والدة الطفل المختطف في قضية البلوجر لوشا
وأضافت والدة الطفل المختطف أمام جهات التحقيق: أول ما فوقت من الاسبراي المخدر اللي أترش في عنيا لقيتهم أخدوا الموبايل بتاعتي من على التابلو ولقيتهم سايبين موبايل في خط دولي نوعه أوبو أزرق اللون معرفتش اطلع الرقم اللي جواه وباعتين رسالة من رقم بيقولولي لو بلغتي مش هتشوفي ابنك تاني ولا اخواته اللي كنت سيباهم في البيت واستنينا هنقولك تعملي ايه وجمعيلنا 3 ملايين و200 ألف جنيه، وفضلت يومين في الشارع أنا واللي اسمه م. ك، دا أجمع لهم في الفلوس وبعدها اللي اسمه م. ك، اللي كنت متجوزاه من 3 أسابيع أخد الفيزا بتاعتي وبدأ يسحب بيهم الفلوس.
وأكملت والدة الطفل: م. ك، اللي كنت متجوزاه من 3 أسابيع، هو عمل تحويلات لواحد اسمه سمير فوزي فانوس وجمعت جزء من الفلوس وطلبوا مني اشتريلهم سبايك دهب وأنا سبت جوزي اللي متجوزاه من 3 أسابيع دا يتعامل مع بتوع الذهب وأنا كنت مستنياه في العربية وبعتولنا رسالة إننا نسلمهم الفلوس في كافية وبعدها استلموا الفلوس من جوزي وقالوله هنسلملكوا الولد الساعة 12 صباحًا على الطريق السياحي، وأخدت ابني وبعدها كلمت أخويا بعد ما مشيت وقالي روحي بلغي وبعدها رحت القسم عملت المحضر وهو ده كل اللي حصل.
