ريم مصطفى: كنت مخضوضة لما اتعرض عليا دوري في مسلسل سره الباتع
أعربت الفنانة ريم مصطفى عن سعادتها الشديدة لمشاركتها في مسلسل سره باتع لخالد يوسف، ويضم العمل مجموعة كبيرة من أبرز الفنانين منهم أحمد فهمي، أحمد السعدني.
وقالت ريم مصطفى خلال لقائها مع الإعلامية لميس الحديدي في برنامجها كلمة أخيرة، المذاع عبر قناة On: كنت مخضوضة من قبل ما أدخل العمل ده رغم إني قبل عرض الدور عليا، كنت لسه خارجة من فترة تصوير طويلة زي طير بينا يا قلبي وغيره، وأخدت قرار إني مش هصور وأفصل، وقلت لازم أختار المرة الجاية حاجة مميزة.
وتابعت ريم مصطفى: فجأة جالي عرض العمل لقيت قدامي حاجة كبيرة جدًا منتهى الإبهار، وإزاي إحنا في مصر بنعمل حاجة قوية زي ديه، و60 اسم تخض معرفتش أفتح بقي، ولا أتكلم وماخدتش إجازة لحد دلوقتي وبدأت شغل من وقتها.
واختتمت ريم مصطفى: مسلسل سره الباتع عمل مبهج، واتعمل فيه شغل قوي جدًا، والإنتاج ضخم جدًا كل حد فيه بيقدم شكل جديد، وقدمت شيء مختلف ومميز وطاقة غير طبيعية ومجهود غير طبيعي، أنا حقيقي عملت مجهود ماعملتوش في حياتي وأتمنى أن ينتقل ذلك الإبهار للمشاهد.
أبطال مسلسل سره الباتع
ويضم مسلسل سره الباتع مجموعة كبيرة من أبرز الفنانين ومنهم: أحمد فهمي، ريم مصطفى، أحمد السعدني، حنان مطاوع، حسين فهمي، نجلاء بدر، عمرو عبد الجليل، بيومي فؤاد، صلاح عبد الله، هالة صدقي، أحمد وفيق، منة فضالي، أحمد عبد العزيز، محمود قابيل.
