رانيا يوسف: عمري ما اتجوزت عرفي ومعنديش حاجة أخبيها.. وحظي زفت في الرجالة
علقت الفنانة رانيا يوسف على شائعات زواجها العرفي، مؤكدة أن مبدأ الزواج العرفي مرفوض بالنسبة لها، خاصة أنها شخصية صريحة ولا يوجد ما تُخفيه عن جمهورها.
وقالت رانيا يوسف، في تصريحات تليفزيونية: عمري ما اتجوزت عرفي وإيه اللي يجبرني عليه ومفيش حاجة تخليني اتجوز عرفي، أنا واضحة وصريحة ومفيش عندي حاجة أخبيها، إيه اللي يخليني اتجوز عرفي؟ ده أنا عايزة أشهر جوازي واللي بحبه عايزة كل الناس تحبه.
وتابعت رانيا يوسف، أنه كان هناك 3 مشاريع للزواج ولكنها لم تكتمل، موضحة: كان فيه 3 مشاريع زواج وفشلوا، حظي زفت في الرجالة ولكن ربنا مش بيدي كل حاجة.
وأضافت رانيا يوسف: بفضل الراجل اللي دمه خفيف عن الراجل اللي معاه فلوس، هعمل إيه بـ فلوس ما أنا بشتغل وبجيب فلوس، والرجالة اللي اتجوزتها كانت مصدر نكد في حياتي، ومشاريع الزواج اللي مكتملتش كانت بسبب النكد والبخل ولكن أبو بناتي مكنش بخيل، والبخل قلة ثقة في الشخصية.
وأكدت الفنانة رانيا يوسف، أنها لم تُعلق مُطلقًا على زواج الفنانة دينا الشربيني والهضبة عمرو دياب، في وقت سابق، قائلة: الجواز العرفي بالنسبة ليا مرفوض، وعمري ما علقت على زواج دينا الشربيني وعمرو دياب، والزواج العرفي كمبدأ مروفض.
رانيا يوسف: نادية الجندي مش مقياس للنجومية
كما تطرقت الفنانة رانيا يوسف، في حديثها عن الفنانة نادية الجندي طليقة المنتج محمد مختار، طليق رانيا يوسف، قائلة: نادية الجندي أكتر من 50 سنة بتشتغل وكانت نجمة جماهير أكتر من 30 سنة، ولكن أنا عمري كام سنة؟ هي كان عندها عوامل مساعدة كان محمد مختار بينتج لها وكانت بتدخل شريكة في الإنتاج ولكن أنا مكنش عندي عوامل مساعدة وعمري ما طلبت من محمد مختار إنه ينتج لي عمل، دي مش سكتي.
وتابعت: أنا طول الوقت بعتمد على نفسي وواثقة في ربنا وفي إمكانياتي كممثلة وبني آدمة، ومش محتاجة مساعدة بني آدمين وربنا ما يحوجني لحد، وبالنسبة ليا مدام نادية الجندي مش مقياس للنجومية، أنا بحب الحاجة الصعبة وبحب إني استمعت بكل حاجة بعملها.
