إزاي تفرقوا بين المغشوشة والأصلية.. أقدم بائع طحينة في الفيوم: ليا 33 سنة في الصنعة
لا غنى عن شراء طبق سلطة الطحينة بجميع أنواعها، طوال شهر رمضان المبارك، على مائدة الإفطار، نرصد في هذا التقرير إزاي نفرق بين المغشوشة والأصلية مع أقدم بائع طحينة في محافظة الفيوم.
أقدم محل طحينة بالفيوم
قال محمد أبو مهجة، إنه ورث المهنة عن أجداده، ووالده منذ عام 1990م، وأنه وشقيقه يسيران على خطى والدهما في شراء وتصنيع سلطة الطحينة بأنواعها، ثم يقومون بكافة الخطوات حتى بيعها للزبون في المحل الأشهر والأقدم بمحافظة الفيوم، مضيفا: المهنة دي أنا وارثها أبا عن جد لأننا شغالين فيها من أكتر من 33 سنة ومفيش حد يقدر يقلدنا فيها.
وأضاف: المسألة مش مكونات بس مكنش حد غلب.. ده نفس وسر صنعة خاصة بكل واحد فينا، وفي الآخر ده رزق من عند ربنا، مشيرًا إلى أننا نستطيع أن نفرق بين الطحينة الأصلية والمغشوشة عن طريق رائحتها وطعمها، لافتا: بتحس بطعم السمسم فيها فبتكون أصلية.
صناعة كل أنواع الطحينة
وأشار إلى أنهم يصنعون سلطة بابا غنوج أيضًا، وسلطة الطحينة وسلطة الزبادي، وسلطة الحمص، مؤكدا: إحنا بنشتغل بسمسم صافي، ملناش في شغل الطحينة المخلطة فول أو دقيق غيره.
أما عن الأسعار فتبدأ من 70 جنيهًا للكيلو، والعلبة الصغيرة ب 10جنيهات، مختتما: الحمد لله موسم رمضان هذا العام فيه إقبال كبير إذ إن طبق السلطة لا غنى عنه على مائدة الإفطار.
