حسن شاكوش عن ظهوره مع زوجته في العرافة: الجماعة كانت مهزوزة وقلقانة لأنها أول برنامج تظهر فيه
ظهر مطرب المهرجانات حسن شاكوش في فيديو لايف عبر حسابه بموقع انستجرام، روج من خلاله للجزء الثاني من حلقته غدًا في برنامج العرافة مع بسمة وهبة، مشيرًا إلى أن زوجته ريم ستظهر معه لأول مرة في برنامج.
وأضاف حسن شاكوش: تابعوا بكره الجزء التاني من حلقتي مع بسمة وهبة، بكره في حاجات مختلفة خالص غير اللي أنتم شفتوها، وكمان علشان الجماعة عندي طالعين في أول برنامج ليها في حياتها فكانت مهزوزة شوية وقلقانة وفيه ضرب نار في الحلقة.
حسن شاكوش يرد على انتقادات سجدة زوجته
ورد حسن شاكوش في الجزء الأول من حلقته في برنامج العرافة مع بسمة وهبة أمس، عن الهجوم الذي تعرضت له زوجته لسجودها في حفل زفافهما إذ دافع عنها قائلًا: لم تسجد لي، لكن لله، ومن يريد السجود لله في أي مكان فليسجد، وما كنتش متوقع منها تعمل كده ومحدش عارف اللي بينها وبين ربنا وكانت بتدعي بتقول إيه، ممكن تكون بتسجد إن ربنا عوضها بحد هي شايفاه إن ده الإنسان اللي كانت عاوزاه وبتتمناه من ربنا.
وأكد حسن شاكوش أن زوجته لا تترك فرضًا مضيفًا: لما شفتها وهي بتسجد فرحت جدًا واللي عملته مش عيب ومفيش كرامة بين الراجل وزوجته.
وفي السياق ذاته أكد حسن شاكوش أن زوجته متفهمة ولا تحب الصوت العالي في النقاش كما أنها تعرف طبعه وبخاصة أنه سريع الغضب: هي عارفة إني حتى لو غلطان لازم تكلمني بهدوء وصوت هادي عشان تاخد حقها.
