زوجة حسن شاكوش عن سجودها في حفل زفافها: كنت بدعي ربنا يبعتلي الشخص الصح.. ومحدش يعرف نيتي
تحدثت ريم طارق، زوجة مطرب المهرجانات الشعبية حسن شاكوش، عن سجودها في حفل زفافها شكرًا لله، مؤكدة أنها لم تتفق مع حسن على السجود ولم يكن يعلم نيتها من الأساس.
وقالت ريم طارق خلال حوارها مع الإعلامية بسمة وهبة في برنامج العرافة المُذاع على شاشة المحور: أنا مش شيخة.. واللي مع ربنا مش بيشغله حد ولا يشغلني أي هجوم تعرضت له، لكني أحب الله وأؤمن به وأحاول التقرب إليه.. ومينفعش أعمل أي شو في فرحي.
وواصلت زوجة حسن شاكوش: أنا متفقتش مع حسن شاكوش على السجدة، أساسا الاتفاق حرام، وأنا مش جاهلة أو مخي واقف عشان حسن يقولي يا ريم اسجدي، وكده كده أنا هتجوز حسن شاكوش والفرح تريند، ومكنتش محتاجة أعمل أي حاجة عشان أبقى تريند.
وأضافت ريم طارق: لما سجدت كان قدام عدد محدود من الناس وكان قبل ما أشوف حسن شاكوش، وكويس إني مسجدتش قدامه كانوا قاله ساعتها إني سجدت له، ومحدش كان يعرف نيتي في السجود، ولكني قررت أسجد عشان أوجه رسالة للناس وأقولهم إن ربنا عوضني، وسجدت ومركزتش مع حد.
زوجة حسن شاكوش: بقيت أصلي شكرً لله بعد ما اتخطبت
واستكملت زوجة حسن شاكوش حديثها، قائلة: قبل ما حسن يتقدم لي كنت في مشاكل كتير، وبقيت أصلي قيام الليل وأقول يا رب انجدني وأبعت لي الشخص الصح، وفجأة حسن أتقدم لي، مع إني كنت عارفاه من زمان، وبعدها بقيت أصلي ركعتي شكر لله في قيام الليل بعد ما حسن خطبني.
