زوجة حسن شاكوش عن سجودها في حفل زفافها: مش بيشغلني أي هجوم تعرضت له
علقت ريم زوجة مطرب المهرجانات الشعبية حسن شاكوش، على الانتقادات التي تلقتها بعد سجودها في حفل زفافها، مؤكدة أنها لا تلتفت لها.
وقالت ريم زوجة حسن شاكوش، خلال لقائها مع الإعلامية بسمة وهبة، في برنامجها العرافة، عن سجودها في حفل زفافها: أنا مش شيخة.. واللي مع ربنا مش بيشغله حد ولا يشغلني أي هجوم تعرضت له، لكني أحب الله وأؤمن به وأحاول التقرب إليه.. ومينفعش أعمل أي شو في فرحي.
وتابعت: أنا متفقتش مع حسن شاكوش على السجدة، أساسا الاتفاق حرام، وأنا مش جاهلة أو مخي واقف عشان حسن يقولي يا ريم اسجدي، وكده كده أنا هتجوز حسن شاكوش والفرح تريند، ومكنتش محتاجة أعمل أي حاجة عشان أبقى تريند.
حسن شاكوش: مراتي سجدت في الفرح علشان ربنا عوضها بشخص كانت بتحلم بيه
كما دافع مطرب المهرجانات الشعبية حسن شاكوش، عن زوجته ريم، إثر تعرضها للعديد من الانتقادات بعد سجودها شكرًا لله في حفل زفافهم، قائلًا: مراتي مسجدتش ليا لكن لله، واللي عايز يسجد في أي مكان يسجد، لم أتوقع من ريم أن تعمل كده ومكنتش موجود في القاعة لما سجدت.
وأضاف حسن شاكوش: محدش عارف اللي بينها وبين ربنا وكانت بتدعي بتقول أيه، ممكن تكون بتسجد إن ربنا عوضها بحد هي شايفاه إن ده الإنسان اللي كانت عاوزاه وبتحلم بيه.
