مش همشي ورا كلام الشيوخ.. نهى العمروسي في تصريح صادم: أنا بختم القرآن ومفيش حاجة اسمها عذاب قبر
أثارت الفنانة نهى العمروسي الجدل بتصريحها الأخير الذي نفت فيه عدم وجود عذاب في القبر، وهو ما عرضها لهجوم من قبل مستخدمي مواقع التواصل الاجتماعي.
وقالت نهى العمروسي لـ القاهرة 24: أنا بختم القرآن كل رمضان ومش بتفرج على المسلسلات ومش بمشي ورا كلام الشيوخ وعاوزة واحد فيهم يقول لي أنهي آية اللي فيها عذاب قبر يمكن أنا غلطانة، وينتقدوا براحتهم لكن الواحد لما يرد يرد بدليل.
ده ترهيب وأسلوب وهابي
ووصفت نهى العمروسي من يتحدثوا عن عذاب القبر بأنهم وهابيين، قائلة: ده ترهيب وأسلوب وهابي اتنشر في وعينا اللي بقى مليان بالحاجات الوهابية واللي أصلها من ابن حنبل وإحنا شعب وسطي بقينا حنبلي، خلي حد أي شيخ يطلع الآية من القرآن هتأسف له وهتأسف للوطن العربي، وأنا مش متخصصة المختصصين يردوا عليا يمكن أنا غلطانة.
وأكملت نهى العمروسي ردًا على المنتقدين: زعلانين أنهم مش هيتعذبوا في القبر طيب يا رب يتعذبوا علشان تتحقق أمنيتهم أو يأجروا حد يعذبوهم في القبر وأهي شغلانة جديدة يأكلوا منها عيش.
واستكملت: أنا ما شفتش شعب بيتنمر التنمر ده، لأنه مش من صفات اللي ربنا بيحبها، إزاي مسلمين طيب فين فعلكم إسلامي والرباني، التنمر ده مرض ربنا يشفي.
وتابعت نهى العمروسي: أنا مش بخاف الموت هما بقى يختاروا يخافوا لكن الموت حاجة جميلة والجسد فيه بيتحرر من الجسم، والناس اللي ماتوا رجعوا قالوا كده وبيكونوا مش عاوزين يرجعوا للحياة تاني.
