بعد إنكارها لعذاب القبر.. نهى العمروسي: عمري ما هلبس الحجاب ومفيش آية في القرآن عنه

كشفت الفنانة نهى العمروسي، أنها ليست مقتنعة بالحجاب، مشيرة إلى أنها لن ترتديه مطلقًا لعدم وجود آية صريحة في القرآن.

وأضافت نهى العمروسي لـ القاهرة 24: عمري ما هلبس الحجاب لأني مش مقتنعة به نهائي، لأن مفيش آية بتتكلم بشكل صريح عن الحجاب في القرآن.

بختم القرآن ومفيش حاجة اسمها عذاب قبر 

وأثارت الفنانة نهى العمروسي الجدل بتصريحها الأخير الذي أنكرت فيه وجود عذاب في القبر، وقالت في تصريحات لـ القاهرة 24: أنا بختم القرآن ومش بتفرج على المسلسلات ومش بمشي ورا كلام الشيوخ، لكن الأسلوب ده ترهيب وأسلوب وهابي اتنشر في وعينا اللي بقى مليان بالحاجات الوهابية.

وأضافت: عاوزة أي شيخ يطلع الآية من القرآن هتأسف له وهتأسف للوطن العربي، مستنكرة: زعلانين أنهم مش هيتعذبوا في القبر طيب يا رب يتعذبوا علشان تتحقق أمنيتهم أو يأجروا حد يعذبوهم في القبر وأهي شغلانة جديدة يأكلوا منها عيش.

من ناحية أخرى، كانت الفنانة نهى العمروسي دافعت عن الفنانة منة شلبي في أزمتها بعد القبض عليها في مطار القاهرة أثناء عودتها من رحلتها بالولايات المتحدة الأمريكية، وذلك بتهمة حيازة مخدرات.

وأكدت نهى العمروسي في تصريحات سابقة لـ القاهرة 24، أنها تعلم أن منة لا تستحق السجن والحبس، مشيرة إلى أنها تعرضت لنفس التجربة التي وصفتها بالقاسية ولكنها كنت مظلومة، مضيفة: اتعمل لي اختبار دم، وملقوش حتى في جسمي نكوتين، والقاضي برأني، وكانت تجربة قاسية جدًا وكان فيها معاناة وكرب وحزن ومنتهى الألم والوجع لأن الواحد لما يكون مظلوم بيتسرق حريته ولكن ربنا اداني القوة رغم لحظات الضعف.

المفتي: عذاب القبر ثابت بالقرآن والسُّنة والإجماع.. وينبغي ألا نتهم من أنكره بأنه خرج من الملَّة