بسمة وهبة تنفعل على سعد الصغير: أنت مازوخي وبتحب اللي يعذبك.. وبتهين نفسك
هاجمت الإعلامية بسمة وهبة، الفنان سعد الصغير ووصفته بالمازوخي، وذلك بعدما كشف الأخير مفاجأة لأول مرة عن أزمته مع زوجته برلنتي.
وقال سعد الصغير خلال لقائه مع بسمة وهبة في برنامج العرافة: أنا اتبلّيت على والدة زوجتي برلنتي وقولت إنها سرقتني في 75 ألف جنيه، ومستعد أتحبس دلوقتي، لترد بسمة وهبة: تقول كدا عشان ترضيها؟ أنت مازوخي وبتحب اللي يعذبك.. ليه بتعمل كدا وتهين نفسك.
أزمات سعد الصغير
وعلى جانب آخر، أثار سعد الصغير جدلا واسعا على مواقع التواصل الاجتماعي بـ أزماته في الفترة الأخيرة، من بينها أزمة سعد الصغير وبرلنتي، حيث اتهم سعد والدة برلنتي بسرقته، وقال في تصريح سابق لـ القاهرة 24: داخلين على أيام مباركة وفي رمضان، الحاجة أم برلنتي فتحت الباب وقعدت 5 دقايق، مفيش حد يفتح عربية في دقيقتين ويسرق فلوس، كنا قاعدين في عربيتي ولقيت والدة برلنتي عامر بتدور على حاجة بقالها 5 دقايق، وقالتلي أنا بجيب حاجة لـ بنتي، واكتشفت إنها سرقت 75 ألف جنيه مني.
كما أثار سعد الصغير جدلا واسعا بأزمته مع الراقصة شمس، والتي أكدت أن سعد الصغير حاول قتلها وتعدى عليها وقتل ابنتها، بينما رد سعد الصغير على تلك الاتهامات، وقال في تصريح سابق لـ القاهرة 24: شمس متبنية طفلة من 10 سنين وعايشة برا مصر؛ وبقول لها ارجعي مصر وسلمي البنت لأنك رقاصة والقانون بيمنع تتبنى أطفال، وأنا هتبناها ليكي وأعملها وديعة في البنك بـ 300 ألف مقابل مترقصيش تاني وأي فلوس تخص التبني هتكفل بيها ومحدش هيأذيكي وبطلي تتبلي عليا.
