عمرو خالد: الدنيا بسيطة لما ييجي الألم هوِّن على نفسك
قال الداعية عمرو خالد، إن هناك ناس تتلذذ بالمعاناة والمظلومية، بيستشعروا كده علشان مش عاوزين يشتغلوا فينبسط لما يعيش على إنه ضحية.
وأضاف خالد خلال برنامجه الفهم عن الله، أن الإنسان مأمور بحب الدنيا والإحسان والعمل والإنتاج، لكن على أن يتم التعامل مع الأمر ببساطة، مؤكدا أن حب الحياة كان أساسا للنبي محمد صلى الله عليه وسلم.
الناس تفهم أحاديث النبي محمد عن الدنيا بشكل خاطئ
وتابع الداعية عمرو خالد، أن الناس تفهم أحاديث النبي محمد عن الدنيا بشكل خاطئ، معقبا: إحنا ساعات بنفهم من بعض أحاديث النبي إنه بيقولنا مش مهم الدنيا واعتزلوها.. النبي مش بيقول كده لكنه بيقول الدنيا بسيطة.
وأردف: الدنيا بسيطة، لما ييجي الألم هوِّن على نفسك، وذكر الداعية عمرو خالد قول الله تعالى: وَإِنَّ يَوْمًا عِندَ رَبِّكَ كَأَلْفِ سَنَةٍ مِّمَّا تَعُدُّونَ.
ولفت إلى حديث النبي محمد: إذا أصبحت فلا تنتظر المساء وإذا أمسيت فلا تنتظر الصباح، قائلا: الناس فاهمة الحديث ده إنهم يسيبوا الدنيا ومينجحوش ولا يعملوا فلوس.. الدنيا ميقصدش كده.. ده من حنيّته بيقولك بالراحة.. الدنيا بسيطة أوي.
