شادي شامل بعد انتقاده بسبب هجومه على المجاهرين بالإفطار: بغير على ديني
رد الفنان شادي شامل على الانتقادات التي وجهت له بعد حديثه عن المجاهرين بالإفطار، قائلا: متصالح مع نفسي وعارف اللي عندي وبغير على ديني.
وكتب شادي شامل منشور على حسابه الرسمي بموقع التواصل الاجتماعي فيس بوك، قال فيه: عايز أقول حاجة، أنا بشر وبغلط وبتوب وبغلط وارجع أتوب ومتصالح مع نفسي وعارف اللي عندي، بس برضو بغير على ديني.
وأضاف شادي: حريتك إنك تعمل الحرام دي بتاعتك بس لما تعمله لازم تبقى عارف إنه برضو حرام وغلط، أما كونك عايز تفرض على الناس وضعك وفكرك ومش قابل إن غيرك يبدي رأيه في شيء غلط بيتعمل فأنت كدا ديكتاتور، والغلط الفردي شيء وإننا ندافع عن تعميمه في المجتمع وإننا منحترمش الوضع العام في المجتمع دا شيء غير حضاري قبل ما يكون غير ديني.
واستكمل شادي حديثه: أنا راجل متحضر وعشت في كل الدول برا وشفت الناس برا قد إيه عندهم فكرة احترام تقاليد المجتمع حتى لو هما في أشخاصهم مش ملتزمين بيها، فياريت نهدى على بعض ومش من الاحترام إننا نكون بنتكلم في قضية، فتلجأ للتشويه بقضية تانية لأن دا معناه إنك مفلس فكريا ومش لاقي رد مقنع فتتجه لتشويه اللي بتتناقش معاه، ودي طريقة بقت سخيفة وتدل على عدم رقي وعدم فهم وقلة وعي.
شادي شامل: عيب تفطروا في نهار رمضان عن عمد
وسبق، وكتب شادي شامل على حسابه الرسمي بـ فيس بوك: عيب لما تكون راجل شحط وست شحطه تفطروا في نهار رمضان عن عمد بدون أسباب مرضية، والله ده أنا أعرف أخوه مسيحيين بيصوموا معانا، عيب يا حبيبي أنا مش ربنا ولا بحكم على حد ولا بحاسب حد بس مش عيني عينك كده.
