ريهام عبد الغفور: ناوية أتبنى بنت لأني معنديش استعداد أخلف تاني
كشفت الفنانة ريهام عبد الغفور رغبتها الشديدة في التبني على الرغم من أن لديها ابنين، مشيرة إلى أنها تحب الأشخاص الذين يقررون التبني بشكل كبير وتحترمهم.
وأضافت ريهام عبد الغفور في تصريحات تلفزيونية: بحب الناس اللي بتقرر تتبني، بقدرها وبحترمها خصوصًا اللي عندهم ولاد، وأنا نويت أتبنى بنت، ولكن مستنية ابني الصغير يكبر، لأنه مش فاهم الموضوع وعنده 10 سنين فبالنسبة له الموضوع غريب، وعلشان لما أتكلم معاه يكون فاهم ويحتوي الطفل ويكون مرتاح معاه.
وأشارت إلى أنها ستخبر الطفل الذي ستتباه بكل شيء ولن تخفي عليه أنها تبنته، مؤكدة أنها ستهتم به مثل أبنائها ولكن لا تعرف إذا كانت ستحبه بنفس القدر أم لا؟
وأكملت: مش متأكدة هجبه زي ولادي بظبط ولا لأ، لكن أكيد ههتهم به نفس الاهتمام ويمكن أكتر، وزمان عملت فيلم اسمه الغابة.. كنت طالعة من أولاد الشوارع اللي كبروا وقبل التصوير قعدت معاهم وشوفت حياتهم عاملة إزاي، وحبتهم أوي وارتبطت بطفل منهم وكنت عاوزة أتبناه من كتر ما حبيتهم جدًا.
ريهام عبد الغفور تتحدث عن ابنها الكبير
وتحدثت ريهام عبد الغفور عن ابنها الكبير، مشيرة إلى أنه أطول منها كثيرًا وأنه درس الإخراج والتصوير.
واختتمت ريهام عبد الغفور تصريحاتها قائلة: مشتغلتش مع ابني قبل كده ولكن هو كان بيشتغل مع نانسي عبد الفتاح مديرة تصوير مسلسل رشيد وقلت لها ما تجيبهوش المسلسل ده لأني كنت عاوزة أركز.
