قبل ساعات من عرض الحلقة الأخيرة.. مؤلفة الهرشة السابعة: روح الفريق الواحد سبب نجاح العمل
أعربت المؤلفة دينا نجم عن سعادتها بردود الفعل الإيجابية عن مسلسل الهرشة السابعة، الذي يعرض حاليا في موسم رمضان، ومن المقرر عرض آخر حلقاته الليلة.
وكتبت نجم منشورًا عبر حساسها بموقع فيسبوك وقالت: النهاردة نهاية الهرشة السابعة، عايزة أشكركم والله من جوة قلبي على كم التشجيع والحب والدعم، وعلى كل كلمة حلوة وكل تعليق زي انتوا مركبين كاميرا عندنا في البيت ولا ايه؟
وتابعت مشيرةً إلى السبب الرئيسي وراء خروج المسلسل بهذا الشكل الجيد، وقالت: إحساسكم إن المسلسل قريب منكم وشبهكم وبيعبر عن اللي جواكم كان من أكتر الحاجات اللي فرحتني، وعايزة أقول حاجة ممكن تبان كليشيه بس هي والله حقيقية جدًا، العمل الجماعي وروح الفريق الواحد كانوا سبب رئيسي في أي حاجة حلوة حصلت في المشروع ده.
وأضافت: ربنا رزقنا بناس مش بس موهوبين، عشان في نظري الموهبة وحدها لا تكفي، اللي أهم إنهم مجتهدين جدا ومركزين، ومفيش فكرة يلا نقلب أي حاجة عشان رمضان داخل وعايزين نخلص، ودلوقتي وقت الإجازة والتفكير بعناية في الخطوة الجاية اللي بقت بتخوف شوية، إدعوا لي.
مسلسل الهرشة السابعة
على جانب آخر، يشارك في مسلسل الهرشة السابعة عدد من الفنانين، أبرزهم الفنانة أمينة خليل، محمد شاهين، حنان سليمان، علي قاسم، أسماء جلال، محمد محمود، عايدة رياض، وآخرون، ومن إخراج كريم الشناوي.
الحلقة 14 من الهرشة السابعة
وكانت بدأت الحلقة الرابعة عشرة من الهرشة السابعة أمس، بمشهد أسري جمع بين شريف -علي قاسم- وزوجته وسلمى -أسماء جلال-، وهما يحاولان التأقلم مع وجود جوليا بينهما في المنزل، فهي الآن في مرحلة استكشاف حياة والدها.
